ەنەرگەتيكا ءمينيسترى ەرلان اقكەنجەنوۆتىڭ ايتۋىنشا، قازاقستاندا وتىن-ەنەرگەتيكا كەشەنىندە جي تەحنولوگيالارىن قولدانۋ ماسەلەسى بەلسەندى تۇردە پىسىقتالۋدا، دەپ حابارلايدى aqshamnews.kz.
وسى ماقساتتا، ءمينيستردىڭ ايتۋىنشا، تەك سالاسىنا جي ەنگىزۋ جونىندەگى اكسەلەراسيالىق توپ قۇرىلعان، ونىڭ قۇرامىنا سالانىڭ جەتەكشى كومپانيالارىنىڭ وكىلدەرى كىردى.
«توپتىڭ نەگىزگى مىندەتى – سالالىق قاجەتتىلىكتەردى ايقىنداۋ جانە جي تەحنولوگيالارىن ەنگىزۋ بويىنشا پيلوتتىق جوبالاردى جۇزەگە اسىرۋ باعىتىندا كۇش-جىگەردى بىرىكتىرۋ»، دەپ اتاپ ءوتتى ەرلان اقكەنجەنوۆ.
سونىمەن بىرگە بيىل جي شەشىمدەرى بار عالامدىق ۆەندورلار مەن IT-كومپانيالاردان تۇراتىن AI-اليانس قۇرىلعان. وتاندىق IT ازىرلەۋشىلەردى قولداۋ ماقساتىندا مينيسترلىك پەن Astana Hub رەزيدەنتتەرى اراسىندا سالاعا جي شەشىمدەرىن ەنگىزۋ جانە سول باعىتتا بىرلەسىپ سىناقتار وتكىزۋ جونىندە مەموراندۋمدارعا قول قويىلدى.