5 ساعاتقا سوزىلعان كۇردەلى وتانى كارديوحيرۋرگيا بولىمشەسىنىڭ مەڭگەرۋشىسى رۇستەم تولەۋتايەۆ UMC "جۇرەك ورتالىعى" №2 كارديوحيرۋرگيا بولىمشەسىنىڭ مەڭگەرۋشىسى سۆەتلانا نوۆيكوۆامەن، سونداي-اق ينستيتۋتتىڭ انەستەزيولوگتارى مەن كارديوحيرۋرگتارى بىرلەسىپ جاساعان، دەپ حابارلايدى aqshamnews.kz
جۇرەك الماتى وبلىسى تالعار قالاسىنىڭ تۇرعىنى 43 جاستاعى ەر ادامعا ترانسپلانتاسيالانعان. وعان الماتى قالاسىنىڭ ورتالىق قالالىق اۋرۋحاناسىنا تۇسكەن 40 جاستاعى ەر ادام دونور بولعان، دارىگەرلەر پاسيەنتتىڭ مي ءولىمىن راستاعان.
جۇرەك ترانسپلانتاسياسى جاسالاعان ەر ادام يشەميالىق كارديوميوپاتياعا، جۇرە پايدا بولعان جۇرەك اقاۋىنا، ميترالدى قاقپاقشا قىزمەتىنىڭ جەتكىلىكسىزدىگىنە، 26 پايىز شىعارىلۋ فراكسياسى تومەندەگەن سوزىلمالى جۇرەك قىزمەتىنىڭ جەتكىلىكسىزدىگىنە، 2022 جىلى ينفاركتقا شالدىققان.
ناۋقاستا ازداعان دەنە قيمىلى كەزىندە ەنتىگۋ، جۇرەكتىڭ دۇرىس جۇمىس ىستەمەۋى، جالپى السىزدىك، باس اينالۋ شاعىمدارى بولعان.
ترانسپلانتاسيادان بۇرىن وعان بىرنەشە رەت ستەنت قويىلعان، كارديوۆەرتەر-دەفيبريللياتور يمپلانتاسيالانعان. بيىل قاڭتاردا UMC ماماندارى LVAD يمپلانتاسيالاۋدى ۇسىنعان، ءبىراق ناۋقاس باس تارتقان.
وسى جىلدىڭ باسىندا ەر ادام كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا ەمدەلگەن كەزدە كلينيكا ماماندارى جۇرەك ترانسپلانتاسياسىن كۇتۋ تىزىمىنە ەنگىزۋ قاجەتتىلىگىن ءتۇسىندىرىپ، پاسيەنت كۇتۋ كەزەگىنە تۇرعان.
وتا ءساتتى ءوتىپ، پاسيەنت رەانيماسيادان بولىمشەگە اۋىستىرىلعان. قازىرگى ۋاقىتتا جاعدايى تۇراقتى، وڭ ديناميكا بار دەيدى دارىگەرلەر.