الماتى قالاسىندا 21 جانە 22 ناۋرىزدا پانفيلوۆ جاياۋ جۇرگىنشىلەر كوشەسىندە Nauryz Almaty Vibe فەستيۆالى ۇيىمداستىرىلادى، دەپ حابارلايدى aqshamnews.kz
بۇل شارادا قالا تۇرعىندارى مەن قوناقتارىن روبوتتار مەن ۆيرتۋالدى اۆاتارلار قارسى الادى. گاسترونوميالىق ايماقتا روبوت داياشىلار، روبوت اسپازدار جانە روبوت باريستالار ءوز قىزمەتتەرىن ۇسىنادى. سونداي-اق، پانفيلوۆ كوشەسىندە كينەتيكالىق تۋننەل پايدا بولادى، ول فەستيۆالگە كەلگەندەرگە ەرەكشە اسەر قالدىرادى.
فەستيۆالگە قاتىسۋشىلار ينتەللەكتۋالدىق «وي-دۋمان» ويىنىنا قاتىسىپ، روبوتوتەحنيكا كورمەسىن تاماشالاپ، ساداق اتىپ، جاساندى ينتەللەكتتىڭ كومەگىمەن مەرەكەلىك فوتولار تۇسىرە الادى. كىرەبەرىستە ورنالاسقان LED-ەكران ارقىلى عالىمجان اتتى ۆيرتۋالدى اۆاتار قوناقتارعا مەرەكەلىك باعدارلاما تۋرالى اقپارات بەرەدى.
مەرەكەلىك ءىس-شارا قابانباي باتىر كوشەسىنەن باستاپ تولە بي كوشەسىنە دەيىنگى اۋماقتى قامتيتىن پانفيلوۆ كوشەسىندە وتەدى.
كىرۋ تەگىن.