2025 جىلدىڭ 20 ناۋرىزىندا الماتى قالاسى الاتاۋ اۋدانىنىڭ №164 بوبەكجاي بالاباقشاسىندا قازاقتىڭ جاڭا جىلى – ناۋرىز مەيرامىنا ارنالعان «ارمىسىڭ، ءاز ناۋرىز!» مەرەكەلىك ءىس-شاراسى ءوتتى، دەپ حابارلايدى aqshamnews.kz.
بۇل شارانىڭ باستى ماقساتى – بالالارعا ۇلتتىق داستۇرلەردى ناسيحاتتاۋ، اتا-بابامىزدان قالعان اسىل مۇرانى دارىپتەۋ، سونداي-اق وتباسى قۇندىلىقتارىن نىعايتۋ بولدى.
مەرەكە اياسىندا «شەبەر اكە – ونەرلى بالا» ۇلتتىق بايقاۋى جانە ءداستۇرلى قولونەردى ناسيحاتتاۋعا ارنالعان «تەكەمەت باسۋ» شەبەرلىك ساعاتى ۇيىمداستىرىلدى. بايقاۋ «ءبىرتۇتاس تاربيە» باعدارلاماسى اياسىندا ءوتىپ، بالالاردىڭ شىعارماشىلىق قابىلەتتەرىن دامىتۋعا، ولاردىڭ باتىلدىعى مەن تاپقىرلىعىن ارتتىرۋعا، سونداي-اق اتا-انالارمەن بايلانىستى نىعايتۋعا باعىتتالدى.
«شەبەر اكە – ونەرلى بالا» ۇلتتىق بايقاۋى
بايقاۋعا اكەلەر مەن ۇلدار قاتىسىپ، ءوز ونەرلەرى مەن شەبەرلىكتەرىن بەس كەزەڭ بويىنشا كورسەتتى:
1. «مەن قازاقتىڭ ۇلىمىن، تەگىمدى مەنىڭ سۇراساڭ» – قاتىسۋشىلاردىڭ ءوزىن-وزى تانىستىرۋى.
2. «سەگىز قىرلى، ءبىر سىرلى» – شىعارماشىلىق قابىلەتتەرىن كورسەتۋ: دومبىرادا كۇي ورىنداۋ، ءان ايتۋ، بي بيلەۋ، كوركەمسوز وقۋ.
3. «بىلگەنگە مارجان» – قازاق حالقىنىڭ ۇلتتىق داستۇرلەرى، ماقال-ماتەلدەرى مەن ۇلتتىق ويىندارىنا بايلانىستى سۇراقتارعا جاۋاپ بەرۋ.
4. «كۇش اتاسىن تانىماس» – كۇش پەن ەپتىلىككە ارنالعان كەزەڭ: اكەلەر بىلدەسۋ (قول كۇرەسى) سايىسىنا قاتىسىپ، بالالار قوي كوتەرۋ جارىسىندا ب ا ق سىنادى.
5. «شەبەردىڭ قولى ورتاق» – شەبەرلىككە ارنالعان كەزەڭ: قاتىسۋشىلار ءۇش مينۋت ىشىندە قازاقتىڭ ءداستۇرلى قامشىسىن ءورۋ تاپسىرماسىن ورىندادى.
«تەكەمەت باسۋ» ۇلتتىق قولونەر شەبەرلىك ساعاتى
كوپشىلىكتىڭ ەرەكشە قىزىعۋشىلىعىن تۋدىرعان تاعى ءبىر شارا – تەكەمەت باسۋ بويىنشا شەبەرلىك ساعاتى بولدى. انالار مەن اجەلەر بالالارعا كيىز باسۋ ونەرىن ۇيرەتىپ، ءداستۇرلى قولونەردىڭ قىر-سىرىن كورسەتتى.
ۇلتتىق مۇرا – زاماناۋي تاربيەنىڭ نەگىزى
مەرەكە ارنايى بەزەندىرىلگەن الاڭدا ءوتتى. بالاباقشا اۋلاسىندا ۇلتتىق ناقىشتا بەزەندىرىلگەن كيىز ۇيلەر تىگىلدى، بۇل قازاق اۋىلدارىنىڭ ەرەكشە اتموسفەراسىن سەزىنۋگە مۇمكىندىك بەردى. بالالار ۇلتتىق ونەرمەن تانىسىپ قانا قويماي، ونى تاجىريبە جۇزىندە دە ۇيرەندى.
مەرەكەگە بالاباقشانىڭ 278 تاربيەلەنۋشىسى مەن ولاردىڭ اتا-انالارى قاتىستى. ءىس-شارا سوڭىندا بارلىق قاتىسۋشىلارعا العىس حاتتار مەن ەستەلىك سىيلىقتار تابىستالدى. اتا-انالار بالاباقشا ۇجىمىنا وسىنداي ماعىنالى شارا ۇيىمداستىرعانى ءۇشىن ريزاشىلىقتارىن ءبىلدىردى.
كگكپ «ياسلي-ساد №164» بالاباقشاسى ۇلتتىق قۇندىلىقتارعا نەگىزدەلگەن تاربيەنى جالعاستىرىپ، بالالارعا حالقىمىزدىڭ تاريحى مەن مادەنيەتىن قۇرمەتتەۋدى ۇيرەتۋدە.