الماتىدا ۇلىستىڭ ۇلى كۇنى – ناۋرىز مەيرامىنا وراي قوعامدىق كولىكتەر مەرەكەلىك ناقىشتا بەزەندىرىلدى. 20 ناۋرىز بەن 22 ءساۋىر ارالىعىندا قالا كوشەلەرىمەن ۇلتتىق ورنەكتەرمەن كومكەرىلگەن 90 اۆتوبۋس پەن 10 تروللەيبۋس قاتىنايدى. بۇل تۋرالى Aqshamnews.kz سايتى حابارلايدى.
"الماتىەلەكتروترانس" كومپانياسىنىڭ مالىمەتىنشە، قوعامدىق كولىكتەرگە قازاقى ويۋ-ورنەكتەر، كوكتەمگى جاڭارۋدى بەينەلەيتىن ەلەمەنتتەر مەن ناۋرىز مەيرامىنىڭ سيمۆوليكاسى سالىنعان. بەزەندىرۋ جۇمىستارى كوكتەمگى مەرەكەنىڭ ەرەكشە رۋحىن سەزىندىرۋگە جانە قالا تۇرعىندارى مەن قوناقتارىنا كوتەرىڭكى كوڭىل-كۇي سىيلاۋعا باعىتتالعان.
كومپانيا وكىلدەرىنىڭ ايتۋىنشا، بۇل باستاما الماتى قالاسىندا جىل سايىنعى داستۇرگە اينالىپ كەلەدى. مەرەكەلىك دەكوراسيالار قالانىڭ كوكتەمگى كەلبەتىن تولىقتىرىپ قانا قويماي، تۇرعىنداردىڭ ۇلتتىق مەرەكەگە دەگەن سۇيىسپەنشىلىگىن ارتتىرا تۇسەدى.
ناۋرىز مەيرامى – تابيعاتتىڭ جاڭارۋى مەن حالىقتىڭ بىرلىگىن بەينەلەيتىن ەرەكشە مەرەكە. الماتى كوشەلەرىندە ساندەنگەن اۆتوبۋستار مەن تروللەيبۋستاردىڭ قاتىناۋى قالا تۇرعىندارى مەن قوناقتارىنا مەرەكەلىك كوڭىل-كۇي سىيلاپ، ۇلىستىڭ ۇلى كۇنىنىڭ شىنايى رۋحىن سەزىنۋگە مۇمكىندىك بەرەدى