الماتىداعى جول-كولىك وقيعالارىنىڭ ءبىرازى جاياۋ جۇرگىنشىلەردىڭ كىناسىنەن بولىپ جاتادى.
الماتىدا جىل باسىنان بەرى جول قوزعالىسى ەرەجەسىن بۇزعان 13 مىڭنان استام جاياۋ جۇرگىنشى اكىمشىلىك جاۋاپكەرشىلىككە تارتىلدى. سونىمەن قاتار، بيىلعى جىلدىڭ 7 ايىندا قالا جولدارىندا جاياۋ جۇرگىنشىلەردىڭ قاتىسۋىمەن 961 جول-كولىك وقيعاسى بولعان، سونىڭ سالدارىنان 663 ادام زارداپ شەگىپ، 32 ادام قازا تاپتى.
"بۇل ستاتيستيكا الاڭداۋشىلىقتى تۋدىرادى. جول-كولىك وقيعالارى مەن ءولىم-جىتىمدى ازايتۋ ءۇشىن ءاربىر جول قوزعالىسىنا قاتىسۋشى ءوزىنىڭ جانە وزگەنىڭ قاۋىپسىزدىگى ءۇشىن جاۋاپكەرشىلىكتى سەزىنۋى، جول قوزعالىسى ەرەجەلەرىن قاتاڭ ساقتاۋى جانە جولدا مادەنيەتتى ارتتىرۋى ماڭىزدى. قالادا جاياۋ جۇرگىنشىلەر وتكەلدەرىنەن ءوتۋ ەرەجەلەرىن بۇزۋدى، جاياۋ جۇرگىنشىلەر جول قوزعالىسى ەرەجەلەرىن بۇزۋدى انىقتاۋعا جانە جولىن كەسۋگە، سونداي-اق باسقا دا ورەسكەل بۇزۋشىلىقتاردى انىقتاۋعا باعىتتالعان "جاياۋ جۇرگىنشى" جەدەل-پروفيلاكتيكالىق ءىس-شاراسى تۇراقتى نەگىزدە جۇرگىزىلىپ جاتقانى بارشاعا ءمالىم. ءبىزدىڭ باستى مىندەتىمىز – جازالاۋ ەمەس، قايعىلى وقيعالاردىڭ الدىن الۋ"، – دەدى الماتى قالالىق پد جپقب پاترۋلدىك پوليسيا پولكىنىڭ كومانديرى ورال احيموۆ.