02.08.2023 جىلعى جاعداي بويىنشا ءورت سالدارىنان بارلىعى 49 ادام زارداپ شەكتى، ونىڭ ىشىندە ەكى ەرەسەك ادام (№7 قالالىق كلينيكالىق اۋرۋحانا)، 15 بالا ( "بالالار شۇعىل مەديسينالىق جاردەم ورتالىعىنا" - 9 بالا، 6 بالا - №2 بالالار كلينيكالىق اۋرۋحاناسىنا) جاتقىزىلدى. قالعاندارى بارلىق قاجەتتى مەديسينالىق كومەك كورسەتكەننەن كەيىن اۋرۋحاناعا جاتقىزۋدان باس تارتتى.
ەكى ەرەسەك ادام رەانيماسيادا جاتىر. بىرەۋى كاتاتراۆما دياگنوزىمەن 35 جاستاعى ايەل. بيىكتىكتەن قۇلاۋمەن بايلانىستى جاراقاتتار، كوپتەگەن سىنىقتار. ەكى وكپەنىڭ جاراقاتى. جانۋ ونىمدەرىمەن ۋلانۋ. 2-دارەجەلى تراۆماتيكالىق شوك جانە اۋىر باس-مي جاراقاتى دياگنوزىمەن 19 جاستاعى قىز بالا بار. بويجەتكەندە دە كوپتەگەن سۇيەكتەرى سىنعان.نازگۇل يمانعالييەۆا
1992 جىلى تۋعان ايەل اۋىر جاراقاتتاردان قايتىس بولدى. جاعدايى اۋىر كەزىندە دەرەۋ No7 قالالىق كلينيكالىق اۋرۋحانانىڭ جانساقتاۋ بولىمىنە جەتكىزىلدى. جەدەل جاردەم بريگاداسىنىڭ مالىمەتىنشە، ول ءورت كەزىندە 5-6-قاباتتان قۇلاعان.
1 بالا جانساقتاۋ بولىمىندە جاتىر. جاعدايى تۇراقتى. اۋرۋحاناعا جاتقىزىلعانداردىڭ جاعدايى تۇراقتى. اۋرۋحانالاردىڭ قابىلداۋ بولىمىندە قاجەتتى مامانداردى تارتا وتىرىپ، بارلىق ناۋقاستارعا قاجەتتى كومەك كورسەتىلدى، كورسەتىلگەن كومەكتەن كەيىن 17 ەرەسەك جانە 14 بالا تۇرعىلىقتى جەرى بويىنشا ەمحاناعا ودان ءارى امبۋلاتورلىق ەمدەۋگە جىبەرىلدى.