كۇش قولدانىپ، 1 ملن تەڭگەسىن تارتىپ العان
الماتىدا جەرگىلىكتى تۇرعىندى ۇرلاپ، جالدامالى پاتەرگە اپارىپ، ۇرىپ-سوعىپ، اقشا تالاپ ەتكەندەر ۇستالدى، دەپ حابارلايدى Almaty-akshamy.kz الماتى وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
بوستاندىق اۋداندىق پوليسيا باسقارماسىنىڭ مالىمەتىنشە، الدىن الا تەرگەۋ دەرەكتەرىنە سايكەس، 40 جاستاعى الماتىلىقتى ءۇش ادام ۇرلاپ اكەتىپ، جالدامالى پاتەردە ۇستاپ، كۇش قولدانعان جانە 1 ملن تەڭگەسىن تارتىپ العان.
كۇدىكتىلەر الدىمەن جابىرلەنۋشىنىڭ ۇيالى تەلەفونى مەن التىن شىنجىرىن تارتىپ العان.
«قاجەتتى كولەمدە اقشاسى بولماعان سوڭ، كۇدىكتىلەر جابىرلەنۋشى گ.-دان اقشانى تانىستارىنان الىپ بەرۋدى تالاپ ەتكەن. جابىرلەنۋشى جولدا پاترۋلدىك كولىكتى كورىپ، كومەك سۇراپ ايقايلاي باستاعان، سول ۋاقىتتا كۇدىكتىلەر قاشا جونەلگەن. الايدا ولار كوپ ۇزاماي قولعا ءتۇستى. بۇل - 1995 جىلى تۋعان ف. ەسىمدى الماتى وبلىسىنىڭ تۇرعىنى بولىپ شىقتى. ال ونىڭ سىبايلاستارى 1994 جىلعى س. مەن 1996 جىلى تۋعان ج. شىعىس قازاقستاننان. كۇدىكتىلەر ق ر قپك-نىڭ 128-بابىنا سايكەس ۋاقىتشا ۇستاۋ يزولياتورىنا قامالدى»، - دەدى، بوستاندىق اۋداندىق پوليسيا باسقارماسىنىڭ باستىعى، پوليسيا پولكوۆنيگى ماقسات قاناپيايەۆ.
اتالعان دەرەك ق ر قك-نىڭ 194-بابى 3-بولىگى (بوپسالاۋ) جانە ق ر قك-نىڭ 125-بابى 2-بولىگى (ادام ۇرلاۋ) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى.
سونداي-اق، پوليسيا قىزمەتكەرلەرى ق ر قپك-نىڭ 201 بابى جانە ق ر كونستيتۋسياسىنىڭ نورمالارىنا سايكەس، قىلمىستىڭ باسقا دا ءمان-جايلارى جاريا ەتۋگە جاتپايتىنىن ءمالىم ەتتى.