قازاقستاندا سۋسىندار شىعارۋمەن 47 كاسىپورىن اينالىسادى
قازاقستاندا 2022 جىلعى قاڭتار-جەلتوقساندا سۋسىن ءوندىرىسىنىڭ كولەمى اقشالاي ماندە 764 063 ملن تەڭگەنى قۇرادى، 2021 جىلدىڭ سايكەس كەزەڭىمەن سالىستىرعاندا ءوندىرىس 11،2%-عا ءوستى، دەپ حابارلايدى Almaty-akshamy.kz ۇلتتىق ستاتيستيكا بيۋروسىنا سىلتەمە جاساپ.
12 ايدا 2،3 ملرد ليتر الكوگولسىز سۋسىن ءوندىرىلىپ، وتكەن جىلدىڭ سايكەس كەزەڭىمەن سالىستىرعاندا 9،8%-عا ءوستى.
مينەرالدى جانە گازدالعان سۋلار بويىنشا (ءتاتتى ەمەس، حوش ءيىسسىز) 656،8 ملن ليتر شىعارىلدى، بۇل 2021 جىلدىڭ 12 ايىمەن سالىستىرعاندا 1،7%-عا ارتىق.
الكوگول زاۋىتتارى 12 ايدا 64،9 ملن ليتر اراق شىعاردى، بۇل الدىڭعى جىلدىڭ سايكەس كەزەڭىمەن سالىستىرعاندا ەكى ەسە كوپ. تابيعي ءجۇزىم شارابى ءوندىرىسى 33،5%-عا ءوسىپ، 31،1ملن ءليتردى قۇرادى. سىرا ءوندىرىسى 717،5 ملن ءليتردى قۇرادى، بۇل 2021 جىلمەن سالىستىرعاندا 0،7%-عا از.
قازاقستاندا سۋسىندار شىعارۋمەن 47 كاسىپورىن اينالىسادى.