الماتى تۇرعىنى ۇيىندە قارۋ-جاراق ارسەنالىن جاسىرعان

28 جاستاعى ا.ەسىمدى ازامات اتىس قارۋىن زاڭسىز ساقتادى دەگەن كۇدىككە ءىلىندى.

ونىڭ جالعا العان تۇرعىن ۇيىنەن تەگىس ۇڭعىلى مىلتىق، ەكى مىلتىق، پنيەۆماتيكالىق تاپانشا، ءارتۇرلى كاليبرلى 400-گە جۋىق پاترون تابىلدى جانە پروسەسسۋالدىق تارتىپتە تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«الدىن الا بولجامعا سۇيەنسەك، بۇل قارۋ قىلمىستىق جولمەن الىنۋى مۇمكىن. ءتيىستى ساراپتاما تاعايىندالدى. سونىمەن قاتار ا.ەسىمدى ازامات قارۋمەن بۇزاقىلىق جاسادى دەگەن كۇدىككە ىلىنگەن. اتالعان دەرەكتىڭ ءمان-جايى انىقتالىپ جاتىر. كۇدىكتى قاماۋعا الىندى. قىلمىستىق ىستەر ق ر قك-نىڭ 287-بابى 3-بولىگى جانە ق ر قك-نىڭ 293-بابى 3-بولىگىمەن تەرگەلىپ جاتىر»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.

ق ر قپك-نىڭ 201-بابىنا سايكەس، وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.