قازىرگى زامانعى دەموگرافيالىق مىندەتتەر مەن ۇلتتىق مۇددە ماسەلەسى بۇگىن الماتىدا وتكەن حالىقارالىق عىلىمي-تاجىريبەلىك كونفەرەنسيادا تالقىلاندى،-دەپ حابارلايدى Almaty-akshamy.kz. 24.kz-كە سىلتەمە جاساپ.
عالىمدار ەكونوميكا جانە دەموگرافيا سالاسىنداعى ءوز تاجىريبەلەرىمەن جانە زەرتتەۋ ناتيجەلەرىمەن ءبولىستى. اتاپ ايتقاندا، قازاقستاننىڭ دەموگرافيالىق تۇراقتىلىعى، ادامي رەسۋرستى دامىتۋ، سونداي-اق الەۋمەتتىك-ەكونوميكالىق جانە ەتنو-مادەني فاكتورلاردىڭ قالا مەن اۋىل تىرشىلىگىنە اسەرى جان-جاقتى ايتىلدى. كونفەرەنسياعا مەملەكەتتىك ورگانداردىڭ، بيزنەستىڭ، قوعامدىق ۇيىمداردىڭ وكىلدەرى، شەتەلدىك جانە وتاندىق عالىمدار قاتىستى.
- حالىق سانىنا بايلانىستى ەكونوميكا قالاي دامۋى كەرەك، قاي رەگيوندا، قاي جەردە قانداي كاسىپورىن اشۋىمىز كەرەك، ول ادام سانىنا بايلانىستى. مىسالى ءبىزدىڭ قازاقستاندا 9 رەگيون، حالىق سانى جەتىسپەيدى، جۇمىس كۇشى جەتتىسپەيتىن رەگيوندار جاتىسىپ جاتىر. كەيبىر رەگيونداردا جۇمىس ورنى جەتىسپەيدى. ۇكىمەتكە، پارلامەنتكە دەموگرافيالىق ماسەلە بويىنشا ءوز ۇسىنىستارىمىزدى بەرەمىز،-دەيدى ەكونوميكا ينستيتۋتىنىڭ باس ديرەكتورى، ۇعا اكادەميگى ءازىمحان ساتىبالدى.