ءماسليحات جەرگىلىكتى وكىلەتتى ورگان رەتىندە بۇل پروسەستى زاڭناماعا سايكەس بارىنشا اشىق، جاريا تۇردە جانە قوعاممەن ديالوگ فورماتىندا ۇيىمداستىردى.
⠀
بىرنەشە كەزەڭدىك كونكۋرس پەن اشىق ترانسلياسيامەن وتكەن سۇحباتتاسۋلار ناتيجەسىندە كەڭەس قۇرامىنا 42 ادام ەندى، دەپ حابارلايدى aqshamnews.kz.
ولاردىڭ ىشىندە:
39 – ازاماتتىق قوعام، كوممەرسيالىق ەمەس سەكتور مەن ساراپشىلىق قاۋىمداستىق وكىلدەرى،
3 – مەملەكەتتىك ورگانداردىڭ وكىلدەرى.
⠀
بارلىعى 165 ءوتىنىم كەلىپ ءتۇستى – بۇل قالامىزداعى ازاماتتىق بەلسەندىلىكتىڭ جوعارى دەڭگەيىن كورسەتەدى. قۇجاتتاردى تەكسەرۋ بارىسىندا 7 ۇمىتكەر كونكۋرسقا جىبەرىلمەدى، 5ء-ى كەلەسى كەزەڭنەن باس تارتتى. قالعاندارى جۇمىس توبىنىڭ مۇشەلەرىمەن جەكە سۇحباتتان ءوتتى. جۇمىس توبىنا قولدانىستاعى كەڭەس مۇشەلەرى، ءماسليحات دەپۋتاتتارى جانە ۇەۇ وكىلدەرى كىردى. ونىڭ قۇرامى دا اشىق داۋىس بەرۋ ارقىلى بەكىتىلدى.
⠀
جاڭارتىلعان قۇرامدا:
▫️ 70%-دان استامى بۇعان دەيىن كەڭەس قۇرامىندا بولماعان جاڭا مۇشەلەر
▫️ ءبىلىم بەرۋ، دەنساۋلىق ساقتاۋ، مادەنيەت، ءوندىرىس، الەۋمەتتىك وسال توپتاردى قورعاۋ جانە باسقا دا نەگىزگى سالالار قامتىلعان
▫️ 35 جاسقا دەيىنگى جاستار ۇلەسى 21،4%-عا دەيىن ءوستى، كەڭەس مۇشەلەرىنىڭ ورتاشا جاسى – 46
▫️ كەڭەسكە العاش رەت ورالماندار مەن ۇلتتىق قۇرىلتاي مۇشەلەرى ەندى
▫️ گەندەرلىك جانە ەتنيكالىق قۇرام مەگاپوليستىڭ سان الۋاندىعى مەن الەۋمەتتىك قۇرىلىمىن كورسەتەدى.
⠀
قۇرام – تاجىريبە، جاڭا يدەيالار مەن ازاماتتىق بەلسەندىلىكتىڭ ۇيلەسىمى. جاڭا قوعامدىق كەڭەس بيلىكپەن ءتيىمدى ديالوگ الاڭىنا اينالىپ، قالالىق ءومىردىڭ وزەكتى ماسەلەلەرىن شەشۋدە ماڭىزدى ءرول اتقاراتىنىنا سەنىمدىمىن.
⠀
كەڭەستىڭ جۇمىسى اشىق، جۇيەلى ءارى ەسەپتى بولادى. #MaslikhatAlmaty بۇرىنعىداي ونىڭ قىزمەتىنە جان-جاقتى قولداۋ كورسەتىپ، تۇرعىندارمەن ديالوگتىڭ اشىقتىعىن قامتاماسىز ەتەدى.
⠀
باستاماشىل بولىپ، ءوتىنىم بەرگەن بارشاڭىزعا العىس ايتامىن. سىزدەردىڭ بەلسەندىلىكتەرىڭىز – قۋاتتى ءوزىن-وزى باسقارۋدىڭ كەپىلى جانە «حالىق ۇنىنە قۇلاق اساتىن مەملەكەتتىڭ» نەگىزى.
جاڭارتىلعان قۇرامنىڭ ءتىزىمىن وسى جەردەن كورۋگە بولادى.
⠀