بۇگىن 17 قازاندا الماتىدا Android جانە iOS وپەراسيالىق جۇيەلەرىن پايدالانۋشىلار ءۇشىن مass Alert شۇعىل قۇلاقتاندىرۋ جۇيەسىنىڭ تەستىلىك ىسكە قوسىلۋى ءوتتى، دەپ حابارلايدى aqshamnews.kz
بۇرىن بىرنەشە رەت حابارلانعانداي، iPhone پايدالانۋشىلارى جۇيەنى iOS 18 نۇسقاسىنا جاڭارتۋى كەرەك ەدى. تەك وسى جاعدايدا ولاردىڭ ءموبيلدى قۇرىلعىلارىنا Mass Alert ەسكەرتۋى كەلەدى. ەگەر قۇرىلعى اۆتوماتتى تۇردە جاڭارتىلماسا، ونى قولمەن جاساۋ كەرەك: «باپتاۋلار – نەگىزگى – باعدارلامالىق جاساقتامانى جاڭارتۋ».
بۇگىنگى تەستتىك قۇلاقتاندىرۋ ناتيجەلەرى بويىنشا ۇيالى وپەراتورلار جەلىلەرى ارقىلى قۇلاقتاندىرۋدى جىبەرۋ جونىندەگى جۇيەنى جاقسارتۋ جانە وڭتايلاندىرۋ ءۇشىن تەحنيكالىق تالداۋ جۇرگىزىلەدى.
ەستەرىڭىزگە سالا كەتەيىك، اعىمداعى جىلدىڭ 31 مامىرى مەن 26 شىلدەسىندە Android وپەراسيالىق جۇيەسى بار قۇرىلعىلاردى پايدالانۋشىلار ءۇشىن ءساتتى تەستىلەۋ ءوتتى.