يەسىز قالعان 7 گيدروتەحنيكالىق قۇرىلىس جىل باسىنان بەرى مەملەكەت مەنشىگىنە قابىلداندى.
ونىڭ 4ء-ى قاراعاندى، 2–ءى الماتى جانە 1–ءى پاۆلودار وبلىسىندا، دەپ حابارلايدى aqshamnews.kz
قازىرگى ۋاقىتتا 3 يەسىز گيدروتەحنيكالىق قۇرىلىستى رەسپۋبليكالىق مەنشىككە الۋ پروسەسى ءجۇرىپ جاتىر.
«بۇدان بولەك، مەملەكەت باسشىسىنىڭ تاپسىرماسىن ورىنداۋ ءۇشىن گيدروتەحنيكالىق قۇرىلىستاردىڭ قاۋىپسىزدىگى مەن پايدالانىلۋىنا جاۋاپتى ارنايى ۇيىمدار قۇرىلدى. بۇل ۇيىمدار توعاندار مەن بوگەتتەر سەكىلدى شاعىن گيدروتەحنيكالىق قۇرىلىستاردى تەڭگەرىمگە قابىلدايدى، بۇل ولاردىڭ تەحنيكالىق جاي–كۇيىن باقىلاۋدى كۇشەيتۋگە مۇمكىندىك بەرەدى»،- دەدى سۋ رەسۋرستارى جانە يرريگاسيا ۆيسە-مينيسترى ەربولات يبرايحانوۆ.