وسى ايدا الماتى وبلىسىنىڭ پوليسەيلەرى بىرنەشە مال ۇرلىعى بويىنشا ءۇش قىلمىستىق توپتى قۇرىقتادى.
جەدەل-ىزدەستىرۋ شارالارىنىڭ ناتيجەسىندە 10 ادام انىقتالىپ، ۇستالدى. ولاردىڭ توعىزى ۋاقىتشا ۇستاۋ يزولياتورىنا قامالدى. پوليسيانىڭ مالىمەتىنشە، سوڭعى وپەراسيا 22 اقپاندا ءوتتى، دەپ حابارلايدى aqshamnews.kz Polisia.kz-كە سىلتەمە جاساپ.
ۇزىناعاش اۋىلىنىڭ تۇرعىنى پوليسياعا ارىزدانعان، ونىڭ قوراسىنان بەس جىلقى ۇرلانعان. كەلتىرىلگەن شىعىن 5 ميلليون تەڭگە شاماسىندا بولدى. جەدەل-ىزدەستىرۋ شارالارى بارىسىندا 32 جانە 34 جاستاعى ەكى كۇدىكتى ۇستالدى، ولار قاماۋعا الىنىپ، ۇرلانعان مال يەسىنە قايتارىلدى.
سونىمەن قاتار كەگەن اۋدانىندا 35 جاستاعى جەرگىلىكتى تۇرعىننىڭ جىلقى ۇرلىعىن كاسىپ ەتكەنى انىقتالدى. بۇل كۇدىكتى توعىز باس مالدى ۇرلاپ، ءۇشىنشى تۇلعالارعا قايتا ساتقان. ساتىپ الۋشىلار بۇل دەرەكتى راستاعاننان كەيىن، كۇدىكتى ءوز كىناسىن مويىندادى. جالپى شىعىن 4 ميلليون تەڭگەدەن استى. جىل باسىنان بەرى جامبىل اۋدانىندا ءۇش بىردەي مال ۇرلىعىمەن اينالىساتىن قىلمىستىق توپ قۇرىقتالدى، ولار جاساعان 20 قىلمىس ەپيزودى دالەلدەندى. اتالعان قىلمىستاردىڭ ناتيجەسىندە 460 باس مال ۇرلانعان. پوليسيا قىزمەتكەرلەرىنىڭ جەدەل ارەكەتىنىڭ ارقاسىندا كۇدىكتىلەر ساتىپ ۇلگەرمەگەن مال تاركىلەنىپ، يەلەرىنە قايتارىلدى. قايتارىلعان مۇلىكتىڭ جالپى قۇنى 13 ميلليون تەڭگەدەن استى.