پرەزيدەنت جارلىعىمەن 2025 جىل- «جۇمىسشى ماماندىقتارى جىلى» بولىپ جاريالاندى. پرەزيدەنت تاپسىرماسىن ورىنداۋ ماقساتىندا ۇكىمەت 2025 جىلى جۇمىسشى ماماندىقتارى جىلىنا ارنالعان ءىس-شارالار جوسپارىن بەكىتتى.
وسى ورايدا، «جۇمىسشى ماماندىقتارى جىلى» اياسىندا «بارلىق ماماندىقتار ۇستازدان باستالادى...» اتتى كوللەدجدەر اراسىندا الەۋمەتتىك چەللەندجى №1 الماتى قازاق گۋمانيتارلىق- پەداگوگيكالىق كوللەدجىندە ۇيىمداستىرىلدى.
چەللەندجدىڭ ماقساتى - شىنايى ەڭبەك مايتالماندارىنىڭ ۇلگىسى ارقىلى ۇستاز ماماندىعىنىڭ تارتىمدىلىعىن كوتەرۋ.
اتالمىش شارانى ۇيىمداستىرۋشى ەلۆيرا ايتجان قىزى:
- قۇرمەتتى قوناقتار، بۇگىنگى ءىس-شاراعا قوش كەلدىڭىزدەر! بۇگىن ءبىز جۇمىسشى ماماندىقتارىن قۇرمەتتەۋ كۇنى رەتىندە اتاپ وتەمىز. تەحنيكالىق جانە كاسىپتىك ءبىلىم بەرۋ ۇيىمدارىنىڭ ءبىلىم الۋشىلارى مەن پەداگوگتەرى اراسىندا جۇمىسشى ماماندىقتار جىلى شەڭبەرىندە «بارلىق ماماندىقتار ۇستازدان باستالادى...» الەۋمەتتىك چەللەندجى ۇيىمداستىرىلعان بولاتىن، بۇگىنگى شارا سونىڭ ءبىر پاراسى،- دەي كەلە ءىس-شارانىڭ مانىمەن ماڭىزدىلىعىنا توقتالىپ ءوتتى.
مۇنان سوڭ، جۇمىسشى ماماندىقتارى (قۇرىلىسشىلار، تەمىرجولشىلار، ەلەكتريكتەر، اسپازدار جانە باسقا ماماندىقتار) تۋرالى بەينەروليك كوپشىلىك نازارىنا ۇسىنىلدى.
العاشقى ءسوز كەزەگىن العان №1 الماتى قازاق گۋمانيتارلىق پەداگوگيكالىق كوللەدج ديرەكتورى مەندگازييەۆا ماعيشات تاسكالييەۆنا:
-ءيا، جۇمىسشى ماماندىعىنىڭ مارتەبەسىن كوتەرۋ- قوعامدا ەڭبەك ادامىنىڭ ءقادىرىن ارتتىرۋ، ونىڭ كاسىبي بىلىكتىلىگىن شىڭداۋ، جۇمىسشى قارىم- قابىلەتىن جان-جاقتى باعالاۋ ارقىلى جۇزەگە اساتىن سان سالالى ۇدەرىس. بۇل مىندەتتى شەشۋ ءۇشىن كاسىبي ءبىلىم بەرۋ جۇيەسىن جەتىلدىرۋ، بىلىكتىلىكتى ارتتىرۋ، ەڭبەك جاعدايلارىن جاقسارتۋ، ەڭبەكاقى مەن الەۋمەتتىك كەپىلدىكتەردى كوبەيتۋ، جۇمىسشى ماماندىقتارىن جاڭارتۋ، ءمان-ماڭىزىن كەڭىنەن ناسيحاتتاۋ، مەملەكەتتىك، قوعامدىق، جەرگىلىكتى دەڭگەيدە قولداۋ كورسەتۋ سىندى كەشەندى ءىس-شارالاردى جۇيەلى جۇرگىزۋدى، قاپىسىز اتقارۋ قاجەت،- دەدى ول.
«جۇمىسشى ماماندىقتارى» دەگەندە جۇمىستىڭ اۋىر-جەڭىلىن تالعامايتىن قۇرىش بىلەكتىلەر ەسكە تۇسەدى. «جۇمىسشى ماماندار»، «ەڭبەك ادامى» دەگەن كىم؟، «جۇمىسشى ماماندارى» دەگەندە كىم ەسىڭە تۇسەدى؟ دەگەن ساۋالدار ورتاعا تاستالىپ، اراجىگىن اجىراتۋ ماقساتىندا پىكىرلەر ءبولىسىپ، وي ءوربىتىلدى.
بار ماماندىقتىڭ يەسى ۇستازداردىڭ ءتالىمىن الىپ، الدىنان وتكەن. حالىق باتىرى باۋىرجان مومىش ۇلى اتامىز: «ۇستازدىق - ۇلى قۇرمەت. سەبەبى، ۇرپاقتاردى ۇستاز تاربيەلەيدى. بولاشاقتىڭ باسشىسىن دا، داناسىن دا، عالىمىن دا، ەڭبەكقور ەگىنشىسىن دە، كەنشىسىن دە ۇستاز وسىرەدى... ومىرگە ۇرپاق بەرگەن انالاردى قالاي ارداقتاساق، سول ۇرپاقتى تاربيەلەيتىن ۇستازداردى دا سولاي ارداقتاۋعا مىندەتتىمىز» دەگەن. بالا بويىنا اتا-انادان كەيىنگى اقىل-وي، ادامگەرشىلىك، ادەپتىلىك، ار-ۇيات، ۇلتتىق سانا-سەزىمدى ءسىڭىرۋشى ادام- ءمۇعالىم.
شارا دا ءار كوللەدجدەن ءبىر وقىتۋشى مەن ءبىر ستۋدەنت ورتاعا شاقىرىلىپ، «كىم قانداي ماماندىق يەسى؟» ويىنىن ۇيىمداستىردى. ويىن شارتى بويىنشا قاتىسۋشىلار بىر-بىرىنە قاراپ، ولاردى قانداي ماماندىققا كەلەدى دەپ ويلايتىندارىن ايتسا، «قولعاپ» ادىسىندەگى ويىندا قولعاپتا جاسىرىلعان ارىپتەردى الىپ، سول ارىپتەر بويىنشا ۇستازدار مەن شاكىرتتەر بىر-بىرىنە جاقسى ىزگى-تىلەكتەرىن ارنادى.
ەڭبەككەر ەڭبەگىن ەش قالدىرماي، الەۋمەتتىك چەللەندجگە ات سالىسقان، تەحنيكالىق جانە كاسىپتىك ءبىلىم بەرۋ ۇيىمدارىنىڭ ءبىلىم الۋشىلارى مەن پەداگوگتەرى العىستارىن ايتتى.
چەللەندجگە قاتىسۋشىلار ەرەجەدەگى ۇيىمداستىرۋ ءتارتىبى جانە وتكىزۋ شارتتارى بويىنشا، كوللەدجدەن ماماندىق يەلەرىنىڭ جەتىستىكتەرىمەن، ولاردىڭ ەڭبەك قىزمەتىمەن تانىسۋ جانە تۇلعا رەتىندە قالىپتاسۋىنداعى ۇستازىنىڭ ءرولىن ايقىنداۋعا بايلانىستى 2 مينۋتتىق بەينەروليكتى حەشتەگ ارقىلى جاريالادى. Instagram الەۋمەتتىك جەلىگە جاريالاۋدا مازمۇنى قىسقا جانە ناقتى، ەڭبەك ءوتىلى مەن ماماندىعىنا سايكەس ارنايى كيىمدە بولۋى، جۇمىسشى جىلىنىڭ لوگوتيپى قويىلۋى كەرەكتىگى ەسكەرتىلگەن بۇل ءىس-شارا دا جەڭىمپازدار جۇلدەلى ورىندار جانە نوميناسيالارمەن ماراپاتتالدى. ءى-ورىندى الماتى مەملەكەتتىك بيزنەس كوللەدجى جەڭىپ الدى، ءىى-ورىندى الماتى تەلەكوممۋنيكاسيا جانە ماشينا جاساۋ كوللەدجى يەلەنسە، ءىىى-ورىن الماتى سەرۆيس جانە تەحنولوگيالار كوللەدجىنە بۇيىردى.
چەللەندجدى كەڭىنەن تاراتۋ جانە ءارتۇرلى ماماندىق يەلەرى تۋرالى قوعامدىق جاعىمدى پىكىر قالىپتاستىرۋ جانە جۇمىسشى ماماندىعىنىڭ تارتىمدىلىعىن، جاستاردىڭ ءوز ماماندىقتارىنا قىزىعۋشىلىقتارىن تۋعىزا بىلگەن «ۇزدىك كرەاتيۆتى جۇمىس» - تۋريزم جانە قوناقجايلىلىق يندۋسترياسى كوللەدجى، «ۇزدىك كوماندالىق جۇمىس» - الماتى كوپسالالى كوللەدجى، «ۇزدىك كونتەنتتىك جۇمىس» -Almaty polytecnic college جانە بەلسەندىلىك تانىتقان 14 كوللەدج سەرتيفيكاتپەن ماراپاتتالدى. بەينەروليكتەردە ءتۇرلى سالانىڭ جۇمىسشى ماماندارىنىڭ ەڭبەك جولىنداعى ۇستازدارىنىڭ ءرولىن، اقىل-كەڭەستەرىن كورسەتە ءبىلدى.
جەڭىس - قاجىرلى ەڭبەكتىڭ، تاباندىلىقتىڭ جانە شىنايى ىنتانىڭ جەمىسى. سىزدەر ءوز ەڭبەكتەرىڭىزبەن بيىكتەن كورىنىپ ناعىز كوشباسشىلار ەكەندەرىڭىزدى دالەلدەدىڭىزدەر! بۇل ماراپاتتار- سىزدەردىڭ وسى سالاداعى ەرەكشە ەڭبەكتەرىڭىزدىڭ بەلگىسى، الداعى ۋاقىتتا دا جاڭا بەلەستەردى باعىندىرا بەرىڭىزدەر!- دەگەن ەلۆيرا ايتجان قىزى شارانى قورتىندىلادى.
ەڭبەكتىڭ ءقادىرىن ءتۇسىنىپ، ءار سالادا جەتىستىككە جەتكەن ازاماتتاردى ۇلىقتاۋ ءار ادامنىڭ پارىزى. جاس ۇرپاققا ۇلگى بولارلىق ەڭبەك ادامدارى ءاردايىم قۇرمەتكە لايىق!