جوبا اۆتورلارى 1 ملن تەڭگە قايتارىمسىز قارجى يەلەندى
«جاڭا باستامالار مەن مۇمكىندىكتەر». الماتى وبلىسىندا ۇكىمەتتىك ەمەس ۇيىم وكىلدەرى اراسىندا وتكەن بايقاۋدىڭ جەڭىمپازدارى انىقتالدى. سايىسقا الەۋمەتتىك باعىتتاعى جوبالار ءتۇستى. ولاردىڭ اراسىنان ۇزدىك شىققان 10 جوبانىڭ اۆتورى ماراپاتتالىپ، 1 ملن تەڭگە قايتارىمسىز قارجى يەلەندى. يگى باستامانى وبلىستىق ىشكى ساياسات باسقارماسى ۇيىمداستىرىپ وتىر، دەپ حابارلايدى Almaty-akshamy.kz Almaty.tv-گە سىلتەمە جاساپ.
جانات مەدەت قىزى – جەكە كاسىپكەر. قىز جاساۋى جانە قۇراق كورپە تىگۋمەن اينالىسادى. ءقازىر ءوزى سەكىلدى 50 كوپ بالالى انانى تۇراقتى جۇمىسپەن قامتىپ وتىر. ول بۇگىنگى بايقاۋدا جەڭىمپاز اتاندى. ەندى قوماقتى قارجىعا كاسىبىن كەڭەيتپەك نيەتتە.
– ءار انانىڭ قولىنان تىگىن كەلە بەرمەيدى عوي. سوندىقتان اسپازدىق جاققا، باسقا دا جاققا يكەمى بار انالاردى جۇمىسپەن قامتۋ ماقساتىندا سەح اشىپ جاتىرمىز، – دەدى جەكە كاسىپكەر جانات قالجانوۆا
وبلىس اكىمدىگى ۇيىمداستىرعان بايقاۋعا 30-عا جۋىق ۇكىمەتتىك ەمەس ۇيىم وكىلدەرى قاتىسقان. ولاردىڭ اراسىنان 10 جوبا ۇزدىك دەپ تانىلدى. كوميسسيا مۇشەلەرى ۇسىنىلعان بيزنەس-باعدارلامالاردىڭ قوعامعا ءتيىمدى تۇسىن باسشىلىققا الا وتىرىپ تاعداعان.
– وسى ۇكىمەتتىك ەمەس ۇيىمداردا ادىستەمەلىك كومەك كورسەتۋ ماقساتىندا اقپارتتىق سۇيەمەلدىك جۇمىستار، سونىمەن قاتار قۇقىقتىق كومەك كورسەتۋ ماقساتىندا ورتالىق بار. جاڭا باستامالاردى قولداۋ ماقساتىندا وسى جوبا ءۇشىنشى رەت ۇيىمداستىرىلىپ وتىر، – دەدى ىشكى ساياسات باسقارماسىنىڭ باس مامانى ۇلان بورانباي ۇلى.
الماتى وبلىسىندا 370-تەن استام ۇكىمەتتىك ەمەس ۇيىم بار. ونىڭ 100ء-ى بۇگىندە ءتۇرلى باعىتتا بەلسەندى جۇمىس ىستەپ كەلەدى. وبلىستىق ىشكى ساياسات باسقارماسىنىڭ ماماندارى ىزگى باستامانى قولداۋ الداعى ۋاقىتتا دا جالعاساتىنىن ايتتى.