الدىن الا بولجام بويىنشا ءورتتىڭ اۋدانى 1500 گەكتاردى قۇرايدى
اباي وبلىسىندا ءورتتىڭ تارالۋى تولىقتاي تىيىلىپ، ءورت وقشاۋلاندى. ءورت ءسوندىرۋ جۇمىستارى جەكەلەگەن ۋچاسكەلەردە جۇرگىزىلۋدە، دەپ حابارلايدى Almaty-akshamy.kz.
ق ر تجم باسپا ءسوز قىزمەتىنىڭ حابارلاۋىنشا، قازىرگى ۋاقىتتا 3 ۋچاسكەدە ءورتتى ءسوندىرۋ جۇمىستارى جۇرگىزىلۋدە. ءورتتىڭ تارالۋى تولىعىمەن توقتاتىلدى، ءورت ءسوندىرۋ وتتىقتىڭ ىشىندەگى جەكەلەگەن وشاقتاردا جۇرگىزىلەدى. جەلدىڭ كۇشەيۋىنە بايلانىستى تۇزدى كول اۋدانىنداعى ءۇشىنشى ۋچاسكەدە ءورت تومەننەن جوعارىعا اۋىستى. ءورتتى ءسوندىرۋ ءۇشىن 20 بىرلىك تەحنيكا، جەكە قۇرامنان 64 ادام جۇمىلدىرىلدى.
"ءورتتىڭ تارالۋىنىڭ الدىن الۋ ماقساتىندا ماڭايداعى جەرلەر جىرتىلدى. الدىن الا بولجام بويىنشا ءورتتىڭ اۋدانى 1500 گەكتاردى قۇرايدى. بەرەزوۆكا ءساناتورييى (108 ادام، 36 ءۇي)، بەرەزوۆكا پودحوزى (169 ادام، 53 ءۇي) ەلدى مەكەندەرىنە ءقاۋىپ تونۋدە. ءورت ورنىنا دەيىنگى قاشىقتىق - شامامەن 5-7 كم. ول جەرگە 4 بىرلىك تەحنيكا باعىتتالدى"، - دەلىنگەن حابارلامادا.
ورمان ءورتىن سوندىرۋگە بارلىعى 100 بىرلىك تەحنيكا (ونىڭ ىشىندە 1 ءورت پوەزى) جانە 2 تىكۇشاق، سونداي - اق 402 ادام ("سەمەي ورمانى" موتر-66 بىرلىك تەحنيكاسىيا، 231 ادامى، تجم 28 بىرلىك تەحنيكاسى، 1 تىكۇشاعى، 144 ادامى، قتج 1 ءورت پوەزى، 10 ادامى، جاو 5 بىرلىك تەحنيكاسى، 7 ادامى، قازاۆياورمانقورعاۋدىڭ 1 تىكۇشاعى، 6 ادام ەكيپاجى، 1 ۋاز، 4 ادام) جۇمىلدىرىلدى.
"سونداي-اق، ورمان ءورتىن "قازاۆياقۇتقارۋ" اق مي-873 جانە "قازاۆياقۇتقارۋ" سۋ اعىزۋ قۇرىلعىسى بار مي-8 تىكۇشاقتارى سوندىرۋدە. قازىرگى ۋاقىتتا 59 رەت سۋ اعىزىلدى (157،5 توننا)"،- دەلىنگەن حابارلامادا.
تجم-دە جانە دەپارتامەنتتىڭ داعدارىس ورتالىعىندا، سونداي-اق جەرگىلىكتى جەردە جەدەل شتابتار ۇيىمداستىرىلدى. جەدەل جەلى تەلەفوندارى جۇمىس ىستەۋدە.