ق ر عىلىم جانە جوعارى ءبىلىم ءمينيسترىنىڭ بۇيرىعىمەن ۇلتتىق عىلىم اكادەمياسىنىڭ ۆيسە-پرەزيدەنتتەرى تاعايىندالدى، دەپ حابارلايدى Almaty-akshamy.kz.
ق ر عىلىم جانە جوعارى ءبىلىم ءمينيسترىنىڭ 2023 جىلعى 10 مامىرداعى بۇيرىعىمەن قازاقستان رەسپۋبليكاسى پرەزيدەنتىنىڭ جانىنداعى «قازاقستان رەسپۋبليكاسىنىڭ ۇلتتىق عىلىم اكادەمياسى» كەاق ۆيسە-پرەزيدەنتتەرى بولىپ اسقار جۇمادىلدايەۆ، اقىلبەك كۇرىشبايەۆ، ءلاززات ەرالييەۆا، تاكير بالىقبايەۆ تاعايىندالدى.
اسقار سەرقۇل ۇلى جۇمادىلدايەۆ – بەلگىلى قازاقستاندىق ماتەماتيك-عالىم جانە قوعام قايراتكەرى، فيزيكا-ماتەماتيكا عىلىمدارىنىڭ دوكتورى، پروفەسسور، قازاقستان رەسپۋبليكاسى ۇعا-نىڭ اكادەميگى. ول ماتەماتيكا جانە عىلىم سالاسىنداعى جەتىستىكتەرى ءۇشىن كوپتەگەن ماراپات پەن گرانت العان.
اقىلبەك قاجىعۇل ۇلى كۇرىشبايەۆ – اۋىل شارۋاشىلىعى عىلىمدارىنىڭ دوكتورى، پروفەسسور. وسى سالاداعى جەتىستىكتەرى ءۇشىن بىرنەشە رەت ماراپاتتالعان. ەكونوميكانى، عىلىمدى جانە جوعارى ءبىلىمدى دامىتۋعا، سونداي-اق بەلسەندى قوعامدىق قىزمەتكە سىڭىرگەن ەڭبەگى ءۇشىن «قۇرمەت» جانە «پاراسات» وردەندەرىمەن ماراپاتتالعان.
ءلاززات تاسبولات قىزى ەرالييەۆا – پروفەسسور، مەديسينا عىلىمدارىنىڭ دوكتورى، 2013 جىلدان باستاپ «مەديسينا عىلىمدارى» سەكسياسى بويىنشا رەسەي جاراتىلىستانۋ اكادەمياسىنىڭ (رجا) كوررەسپوندەنت-مۇشەسى. ول –150-دەن استام ماقالانىڭ، 2 ۇلتتىق نۇسقاۋلىقتىڭ، مونوگرافيالار مەن ادىستەمەلىك نۇسقاۋلىقتاردىڭ، سونىمەن قاتار 4 ونەرتابىس پاتەنتىنىڭ اۆتورى.
تاكير وسپان ۇلى بالىقبايەۆ – فيزيكا-ماتەماتيكا عىلىمدارىنىڭ كانديداتى جانە پەداگوگيكا عىلىمدارىنىڭ دوكتورى، سونداي-اق، ءوز سالاسىندا ايتارلىقتاي تاجىريبەسى بار پروفەسسور. رەسەيدەگى كاسىپتىك ءبىلىم بەرۋدى قولداۋ قورىنىڭ ا.گ.نەبولسين اتىنداعى سىيلىعىنىڭ لاۋرەاتى. 2018 جىلى «پاراسات» وردەنىمەن ماراپاتتالعان.