نىسان زاماناۋي ديزاينمەن قايتا جاڭارماق.
بۇگىن كوپشىلىككە الماتى حالىقارالىق اۋەجاي عيماراتىنىڭ جاڭا جوباسى تانىستىرىلدى، دەپ حابارلايدى Almaty-akshamy.kz Almaty.tv سىلتەمە جاساپ.
نىسان زاماناۋي ديزاينمەن قايتا جاڭارماق. اۋەجاي پرەزيدەنتىنىڭ ايتۋىنشا، ءقازىر قۇرىلىس جۇمىستارى باستالدى. جالپى اۋماعى 55 مىڭ شارشى مەتر بولاتىن جاڭا عيماراتتا 40 تىركەۋ باعانى مەن 3 جۇك تاسمالدايتىن لەنتا قويىلادى. بۇل جۇمىستار ءۇشىن 200 ملن دوللار ينۆەستيسيا قاراستىرىلعان. حالىقارالىق ستاندارتتارعا ساي جۇمىس ىستەيتىن اۋەجايدا VIP-تەرمينالدار مەن جاڭا باعىتتاعى كۇتۋ زالدارى بولادى. قۇرىلىس جۇمىستارى كەزىندە اۋەجاي ۇشاق قابىلداۋ، حالىقارالىق باعىتتارعا ۇشۋ جۇمىسىن توقتاتپايدى. بارلىق تەرمينالدار مەن قىزمەتكەرلەر جولاۋشىلارعا قىزمەت كورسەتە بەرەدى.
«ءقازىر اۋەجاي تاۋلىگىنە 16 مىڭ جولاۋشىعا قىزمەت كورسەتەدى. ونىڭ 5 مىڭى حالىقارالىق بولسا، 11 مىڭى - ىشكى رەيستەر. الداعى ۋاقىتتا جاڭا نىسان پايدالانۋعا بەرىلسە، ولاردىڭ سانى ارتا تۇسپەك. جاڭا اۋەجايدىڭ قۇرىلىسى 2024 جىلدىڭ جازىندا اياقتالادى دەپ جوسپارلاپ وتىرمىز»، – دەدى «الماتى حالىقارالىق اۋەجايى» اق پرەزيدەنتى ەرسوي الپ ەر تۋنگا.