الماتىدا قۋراعان ءشوپ ورتەنىپ جاتىر

ماماندار الماتىلىقتاردى ساق بولۋعا شاقىردى.

الماتىداعى ءورت سوندىرۋشىلەر 30 ناۋرىزدان باستاپ جالپى اۋدانى 8،5 مىڭ شارشى مەتر بولاتىن 25 ءورت وشاعىن سوندىرۋگە جۇمىلدى، دەپ حابارلايدى Almaty-akshamy.kz تجد باسپا ءسوز قىزمەتىنە سىلتەمە جاساپ.

الاتاۋ اۋدانىندا جالپى اۋماعى 1000 شارشى مەتر بولاتىن قۇرعاق ءشوپ ورتەنىپ، تۇرعىن ۇيگە جاقىن ورنالاسقان قورا-قوپسىعا تارادى.

«وجەت» جانە «شالكودە» ىقشاماۋدانىندا جالپى كولەمى 1000 شارشى مەتر بولاتىن قۇرعاق ءشوپ ورتەندى. ءورت جەكە تۇرعىن ۇيگە جاقىن جەردەگى قورا-قوپسىعا جايىلدى. ونى جويۋعا 7 تەحنيكا مەن جەكە قۇرامنان 20-دان استام قىزمەتكەر جىبەرىلدى. ءورتتىڭ سەبەبى - اشىق وت كوزى»، - دەيدى الماتى قالالىق تجد باسپا ءسوز قىزمەتى.

سونداي-اق، 6 ءساۋىر كۇنى ساعات 19:50-دە ناۋرىزباي اۋدانىندا دا قۇرعاق ءشوپ ورتەنگەن.

«عالامات» شاعىن اۋدانىندا تاۋ بوكتەرىندە قۋراعان ءشوپ ورتەنىپ جاتتى. تەحنيكانىڭ كىرۋى قيىن بولعاندىقتان، ءورت سوندىرۋشىلەر وقيعا ورنىنا جاياۋ كوتەرىلدى. «ەرماك» اسپالى ءورت سوندىرگىشتەرى، شانستى قۇرالدار (شارتىلداقتار، كۇرەكتەر) پايدالانىلدى. قولدانىلعان شارالاردىڭ ارقاسىندا ءورتتىڭ تۇتانۋ وشاعى 20:28-دە جويىلدى. قازا بولعاندار مەن زارداپ شەككەندەر جوق»، - دەپ حابارلادى ۆەدومستۆودان.

دەپارتامەنت قالا تۇرعىندارى مەن قوناقتارىن دالادا وت جاعۋدان، تەمەكى شەگۋدەن جانە قۇرعاق ءشوپ پەن ورىلعان ءشوپتى ورتەۋدەن باس تارتۋدى سۇرايدى.

«كىنالى ادامدار اكىمشىلىك، ال اۋىر زارداپتار تۋىنداعان جاعدايدا، قىلمىستىق جاۋاپقا تارتىلادى. 30 ناۋرىزدان باستاپ ءورت سوندىرۋشىلەر جالپى اۋدانى 8،5 مىڭ شارشى مەتر بولاتىن 25 ءورت وشاعىن اۋىزدىقتاۋعا جۇمىلدىرىلدى»، - دەپ ەسكەرتەدى تجد.