الماتى قازاقستاننىڭ جەتەكشى ينۆەستيسيالىق ورتالىقتارىنىڭ ءبىرى رەتىندەگى مارتەبەسىن دالەلدەپ وتىر. بيىل قاڭتار-قىركۇيەك ايلارىنىڭ قورىتىندىسى بويىنشا قالانىڭ نەگىزگى كاپيتالىنا 1،5 ترلن تەڭگە ينۆەستيسيا تارتىلدى، ونىڭ ىشىندە جەكە سەكتور ۇلەسى – 1،1 ترلن تەڭگە.
بۇگىندە شاھاردا جالپى قۇنى 3،6 ترلن تەڭگەدەن اساتىن 189 ينۆەستيسيالىق جوبا جۇزەگە اسىرىلىپ جاتىر. بۇل باستامالار 33 مىڭ جاڭا جۇمىس ورنىن اشىپ، قالانىڭ ەكونوميكالىق دامۋىنا قۋاتتى سەرپىن بەرمەك.
شاعىن جانە ورتا بيزنەس قالا ەكونوميكاسىنىڭ نەگىزگى تىرەگى بولىپ قالىپ وتىر، ولار بارلىق جۇمىس ورىندارىنىڭ جارتىسىن قامتاماسىز ەتەدى. 2025 جىلى كاسىپكەرلىكتى قولداۋعا 50 ملرد تەڭگەدەن اسا قارجى ءبولىندى، بۇل رەسپۋبليكا بويىنشا ەڭ جوعارى كورسەتكىش.
الماتى تۋريستەر ءۇشىن دە تارتىمدىلىعىن ساقتاپ كەلەدى. 2025 جىلدىڭ العاشقى جارتىجىلدىعىندا مەگاپوليسكە 1 ميلليوننان استام تۋريست كەلدى. تۋريزم قالانىڭ ەكونوميكالىق قۇرىلىمىندا ماڭىزدى باعىتقا اينالىپ، بيزنەس ءۇشىن جاڭا مۇمكىندىكتەر اشىپ وتىر.