الماتىدا مەكتەپكە دەيىنگى بالالار مەكەمەلەرىندە ۇجىمدىق يممۋنيتەتتىڭ ساقتالۋىنا باقىلاۋ كۇشەيتىلدى. بۇل تۋرالى وكق الاڭىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ اسا ءقاۋىپتى ينفەكسيالار مەن تۋبەركۋلەزدى ەپيدەميولوگيالىق قاداعالاۋ ءبولىمىنىڭ باسشىسى جايداركۇل وتاربەكوۆا ايتىپ بەردى، دەپ حابارلايدى aqshamnews.kz
ونىڭ ايتۋىنشا، وتكەن جىلى قىزىلشا اۋرۋىنىڭ جاعدايلارى 200 مەكتەپكە دەيىنگى بالالار مەكەمەلەرىندە تىركەلدى. بارلىعى 248 بالا ناۋقاستاندى. نەگىزگى سەبەبى - ۆاكسيناسيامەن قامتۋدىڭ تومەن دەڭگەيى.
بۇل جاعدايدىڭ سەبەبى مەكتەپكە دەيىنگى ۇيىمدارعا باراتىن بالالاردا ۆاكسيناسيانىڭ بولماۋى بولىپ تابىلدى. مۇنداي جاعداي ۇيىمداسقان بالالار ۇجىمدارىندا ءارتۇرلى ۆاكسينامەن باسقارىلاتىن ينفەكسيالاردىڭ توپتىق، ورشۋىنە اكەلۋى مۇمكىن، بۇل 2023 جىلى قىزىلشا اۋرۋىنىڭ ءورشۋىن كورسەتتى»، - دە اتاپ ءوتتى ج.وتاربەكوۆا.
وسىعان بايلانىستى، قالانىڭ سانيتاريالىق-ەپيدەميولوگيالىق قىزمەتى بالاباقشالاردا ۇجىمدىق يممۋنيتەتتىڭ ساقتالۋىنا باقىلاۋدى كۇشەيتتى. قالانىڭ 870 مەكتەپكە دەيىنگى بالالار مەكەمەسىنە جوسپاردان تىس تەكسەرۋلەر جۇرگىزىلدى، ونىڭ ناتيجەسى بويىنشا 157 حاتتاما جاسالدى.
سونىمەن قاتار، اتا-انالار مەن بالاباقشا قىزمەتكەرلەرىنىڭ ۆاكسيناسيانىڭ ماڭىزدىلىعى تۋرالى حاباردارلىعىن ارتتىرۋ ءۇشىن سەمينارلار، دارىستەر وتكىزىلىپ، اڭگىمەلەسۋلەر جۇرگىزىلدى. الەۋمەتتىك جەلىلەردەگى اقپاراتتىق ناۋقان دا جانداندى.
«اتا-انالارمەن جانە مەكتەپكە دەيىنگى مەكەمە قىزمەتكەرلەرىمەن 278 رەت اڭگىمە جۇرگىزىلىپ، قالانىڭ اۋدان اكىمدىكتەرىندە ۆەدومستۆوارالىق كوميسسيانىڭ 10 وتىرىسى وتكىزىلدى، مەكتەپكە دەيىنگى مەكەمەدە تابىن يممۋنيتەتىنىڭ ساقتالماۋى بويىنشا اۋداندىق ءبىلىم بولىمدەرىنە 11 حات دايىندالدى، «Facebook»، «Instagram» الەۋمەتتىك جەلىلەردە قالاداعى ەپيدەميولوگيالىق جاعداي جانە ۆاكسيناسيانىڭ ماڭىزدىلىعى، سونداي-اق پروفيلاكتيكالىق ەكپەلەردەن باس تارتۋدىڭ سالدارى تۋرالى 90 اقپارات ورنالاستىرىلدى»، - دەپ اتاپ ءوتتى ول.
قورىتىندىلاي كەلە، وكق سپيكەرى اتا-انالاردى بالالارىن ۆاكسيناسيالاۋ ماسەلەسىنە جاۋاپكەرشىلىكپەن قاراۋعا جانە ۆاكسيناسيا كۇنتىزبەسىن ساقتاۋعا شاقىردى.