قازاقستان اسكەرىنىڭ تىل بولىمشەلەرى 1992 جىلى قۇرىلدى. وعان قارۋلى كۇشتەردىڭ اسكەري بولىمدەرى مەن مەكەمەلەرىن تاماق ونىمدەرىمەن، زاتتاي مۇلىكپەن، جانار-جاعارمايمەن جانە تەحنولوگيالىق جابدىقتارمەن جاراقتاندىرۋ مىندەتتەرى جۇكتەلگەن.
30 جىلدان استام ۋاقىت تىل ماماندارىنىڭ كۇشىمەن اسكەرلەردىڭ كۇندەلىكتى، وقۋ، جاۋىنگەرلىك ءومىرىن ۇيىمداستىرۋ جانە ولاردى جاۋىنگەرلىك قابىلەتتى كۇيدە ۇستاۋ ءۇشىن قاجەتتى قامتاماسىز ەتۋ جۇيەسى قۇرىلدى دەپ سەنىممەن ايتۋعا بولادى.
سالانى جەتىلدىرۋ جۇمىستارى جالعاسۋ ۇستىندە. بۇل قارۋلى كۇشتەر تۇرلەرىنىڭ باس قولباسشىلارىنا، وڭىرلىك قولباسشىلىق اسكەرلەرىنىڭ قولباسشىلارىنا اسكەري بولىمدەر اراسىندا ماتەريالدىق قۇرالداردى ءبولۋ قۇقىعىن بەرۋ ارقىلى اسكەرلەردى ماتەريالدىق قۇرالدارمەن قامتاماسىز ەتۋ ءتارتىبىن وڭتايلاندىرۋدان تۇرادى. بۇل ءتاسىل اسكەرلەردىڭ ەرەكشەلىكتەرىن ەسكەرە وتىرىپ، اۆتونومدى، جەدەل ارەكەت ەتۋگە مۇمكىندىك بەرەدى.
شەت ەلدەردىڭ وزىق تاجىريبەسىن ەسكەرە وتىرىپ، كيىم-كەشەكپەن قامتاماسىز ەتۋ شەڭبەرىندە كيىمنىڭ، اياق كيىمنىڭ جانە كيىم-كەشەكتىڭ اسكەري نىسانىنا قويىلاتىن جاڭا تالاپتار ازىرلەندى.
قازىرگى ۋاقىتتا ەل پرەزيدەنتىنىڭ تاپسىرماسى بويىنشا قارۋلى كۇشتەردىڭ تىلى قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ بارلىق اسكەري قىزمەتشىلەرى ءۇشىن دالالىق كيىم نىسانىن بىركەلكىلىككە كەلتىرۋ بويىنشا جۇمىس جۇرگىزۋدە، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
باسىم ماسەلەلەردىڭ قاتارىنا مەرزىمدى قىزمەت ساربازدارىنىڭ تاماقتانۋىن ۇيىمداستىرۋ جانە ازىق-تۇلىك راسيونىنىڭ نورمالارىن ساقتاۋ كىرەدى. اسكەري قىزمەتشىلەردىڭ ازىق-تۇلىك راسيونى قازاق تاماقتانۋ اكادەمياسىنىڭ عىلىمي ۇسىنىستارىنا نەگىزدەلگەن جانە 80-نەن استام ءونىم مەن سۋسىنداردى قامتيدى.
اسكەرلەردى ماتەريالدىق قامتاماسىز ەتۋ ماسەلەلەرىن كەشەندى شەشۋ تىل اسكەري ۇجىمدارىنىڭ ۇيلەسىمدى، ايقىن جانە ءبىرقالىپتى جۇمىسىنىڭ ارقاسىندا جۇزەگە اسىرىلىپ كەلەدى. اسكەري قىزمەتشىلەر جىل سايىن وقۋ-جاتتىعۋ جيىندارى بارىسىندا اسكەر بولىمشەلەرىن ۇزدىكسىز جابدىقتاۋدى جانە ماتەريالدىق قاجەتتىلىكتەردى قاناعاتتاندىرۋدى ۇيىمداستىرۋدىڭ جاڭا تاسىلدەرى مەن داعدىلارىن شىڭداۋدا. ولار وزدەرىنىڭ جوعارى كاسىبيلىگىن "ەشەلون"، "بىرلەستىك-2024" سياقتى حالىقارالىق جانە رەسپۋبليكالىق وقۋ-جاتتىعۋلار بارىسىندا بىرنەشە رەت دالەلدەدى.
قازىرگى تىل ماماندارى الدىڭعى بۋىننىڭ داڭقتى داستۇرلەرىن ابىرويمەن جالعاستىرۋدا جانە قارۋلى كۇشتەر بولىمشەلەرىن ۋاقتىلى ءارى تولىق قامتاماسىز ەتۋ تاپسىرمالارىن ابىرويمەن ورىنداپ كەلەدى.