الماتى قالاسى اكىمىنىڭ ورىنباسارى بەيبىت شاحانوۆ جاپونيالىق ايگىلى ساۋلەتشى، «TEZUKA ARCHITECTS» ساۋلەت بيۋروسىنىڭ نەگىزىن قالاۋشى تاكاحارۋ تەزۋكامەن كەزدەستى.
«TEZUKA ARCHITECTS» – ءبىلىم بەرۋ نىساندارى مەن قوعامدىق كەڭىستىكتەر جوبالاۋ سالاسىنا ماماندانعان حالىقارالىق ساۋلەت بيۋروسى. كومپانيا جۇمىسىنىڭ نەگىزگى قاعيداتتارى: اشىق جوسپارلاۋ، كەڭىستىكتىڭ سەزىمدىك ۇيلەسىمى جانە قاراپايىمدىلىق پەن جوعارى فۋنكسيونالدىلىقتىڭ ساباقتاستىعى.
كەزدەسۋ بارىسىندا تاراپتار الماتىداعى ءبىلىم بەرۋ ۇيىمدارىن جاڭعىرتۋ ۇدەرىسىندە «TEZUKA ARCHITECTS» تاجىريبەسىن پايدالانۋ مۇمكىندىكتەرىن، بالالاردىڭ مەكتەپتەن تىس شىعارماشىلىق جانە دامىتۋشى ورتاسىن كەڭەيتۋ جولدارىن، سونداي-اق مەكتەپكە دەيىنگى مەكەمەلەردىڭ ساۋلەتىنە اشىق كەڭىستىك قاعيداتىن ەنگىزۋ ماسەلەلەرىن تالقىلادى.