الماتى قالاسىنداعى جوعارى وقۋ ورىندارىنىڭ ستۋدەنتتەرى قارجىلىق قاۋىپسىزدىك بويىنشا رەسپۋبليكالىق ديكتانت-تەستكە بەلسەندى قاتىسۋدا.
اتالعان ءىس-شارا ازاماتتاردىڭ قارجىلىق ساۋاتتىلىعىن ارتتىرۋعا جانە الاياقتىق سحەمالاردان قورعانۋ داعدىلارىن قالىپتاستىرۋعا باعىتتالعان.
ديكتانتتىڭ ماقساتى – ازاماتتاردى الاياقتىق سحەمالارعا تارتۋدىڭ الدىن الۋ، سونداي-اق قارجىلىق قاۋىپسىزدىك قاعيداتتارى تۋرالى تانىمىن ارتتىرۋ. قاتىسۋشىلار ءوز بىلىمدەرىن تەكسەرىپ قانا قويماي، ديكتانتتان وتكەنى تۋرالى سەرتيفيكات الادى.
ديكتانت-تەستكە الماتى قالاسىنىڭ 6 مىڭنان استام تۇرعىنى، سونىڭ ىشىندە جەتەكشى جوو-نىڭ ستۋدەنتتەرى قاتىستى. مۇنداي ءىس-شارالار «زاڭ جانە ءتارتىپ» قاعيداتىن ىسكە اسىرۋعا جانە جاستار اراسىندا جاۋاپتى قارجىلىق مىنەز-قۇلىقتى قالىپتاستىرۋعا ىقپال ەتپەك.
قارجىلىق قاۋىپسىزدىك بويىنشا رەسپۋبليكالىق ديكتانت-تەست 10-20 قازان ارالىعىندا قارجىلىق مونيتورينگ اگەنتتىگى «زاڭ مەن ءتارتىپ» تۇجىرىمداماسى اياسىندا، Halyk Bank پەن «AMANAT» پارتياسىنىڭ «قارىزسىز قوعام» جوباسىنىڭ قولداۋىمەن وتكىزۋدە. ديكتانت-تەست ونلاين فورماتتا ءوتتى. تەست سۇراقتارى ءتۇرلى دەڭگەي بويىنشا دايىندالعان، سوندىقتان ءار قاتىسۋشى ءوز ءبىلىمىن تەكسەرىپ، پايدالى اقپارات الا الادى. ديكتانتتى اياقتاعان ءار قاتىسۋشىعا اتاۋلى سەرتيفيكات تابىستالادى. ەڭ جوعارى ناتيجەگە قىسقا ۋاقىتتا قول جەتكىزگەندەر Halyk Bankء-تىڭ ارنايى سىيلىقتارىنا يە بولادى، – دەدى الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ باسقارما باسشىسى ابىلاي مىرزاحانوۆ.