«Almaty Business–2025» باعدارلاماسىنىڭ ورىندالۋ ناتيجەلەرى تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا «Almaty Finance» ج ش س باسقارما ءتوراعاسى بەرىك قۇسايىنوۆ مالىمدەدى.
«2025 جىلى توعىز ايدا «Almaty Finance» جانە «Almaty» ميكروقارجى ۇيىمى جالپى سوماسى 9،8 ملرد تەڭگەگە 70 جوبانى قارجىلاندىردى. بۇل 793 جاڭا جۇمىس ورنىن اشۋعا مۇمكىندىك بەردى. قولداۋ ءوندىرىس پەن قايتا وڭدەۋ، دەنساۋلىق ساقتاۋ، ءبىلىم بەرۋ، الەۋمەتتىك كاسىپكەرلىك، كرەاتيۆتى ەكونوميكا، تۋريزم، سپورت جانە قىزمەت كورسەتۋ سالالارىنداعى كاسىپكەرلەرگە كورسەتىلدى»، – دەدى بەرىك قۇسايىنوۆ.
باعدارلاما ىسكە قوسىلعان ساتتەن باستاپ «الماتى» اكك-نىڭ ەنشىلەس جانە تاۋەلدى كومپانيالارى 52،7 ملرد تەڭگە سوماسىنا 774 جوبانى قارجىلاندىرىپ، 6 168 جۇمىس ورنىن قۇردى. اسىرەسە، ءوندىرىس جانە قايتا وڭدەۋ (32%)، دەنساۋلىق ساقتاۋ (14%)، الەۋمەتتىك كاسىپكەرلىك (9%)، تۋريزم (7%)، كرەاتيۆتى يندۋستريا (7%)، قىزمەت كورسەتۋ سالاسى (6%) جانە ءبىلىم بەرۋ (5%) سالالارىنداعى جوبالارعا كوپ قارجى ءبولىندى. باعدارلاما اياسىندا 18 شاعىن ونەركاسىپتىك پارك قۇرىلىسى دا قارجىلاندىرىلدى.
بيۋدجەتتەن بولىنگەن 25،6 ملرد تەڭگە قايتارىمدى-ريەۆولۆەرلىك قارجىلاندىرۋ تەتىگى ارقىلى جالپى 52،7 ملرد تەڭگە كولەمىندە جوبالاردى قولداۋعا مۇمكىندىك بەردى. بوستاندىق جانە الاتاۋ اۋداندارى قارجىلاندىرىلعان جوبالار سانى بويىنشا كوش باستادى.
ايتا كەتەيىك، Almaty Business-2025 باعدارلاماسىن 2019 جىلى الماتى قالاسىنىڭ ءماسليحاتى بەكىتكەن ەدى. باعدارلاما كاسىپكەرلىكتى دامىتۋعا جانە بيزنەستى قارجىلاندىرۋدىڭ قولجەتىمدىلىگىن ارتتىرۋعا باعىتتالعان. ونى ىسكە اسىرۋ ءۇشىن «Almaty Finance» ج ش س جانە «Almaty» مقۇ ەنشىلەس كومپانياسى قۇرىلدى، ولار «الماتى» اكك كومپانيالار توبىنا كىردى.
باعدارلاما بويىنشا شاعىن جانە ورتا بيزنەسكە جەڭىلدەتىلگەن نەسيە بەرۋ قاراستىرىلعان. نەسيە 7 جىلعا دەيىنگى مەرزىمگە جىلدىق 2% جانە 6% مولشەرلەمەمەن بەرىلەدى. 2% مولشەرلەمە كوپبالالى از قامتىلعان وتباسىلارعا، I جانە II توپتاعى مۇگەدەكتەرگە، ەرەكشە قاجەتتىلىگى بار بالالاردى تاربيەلەپ وتىرعان وتباسىلارعا، سونداي-اق، شاعىن ونەركاسىپ پاركتەرىنىڭ رەزيدەنتتەرىنە ۇسىنىلادى. 6% مولشەرلەمە الماتىداعى شاعىن جانە ورتا بيزنەستىڭ جۇمىس ىستەپ تۇرعان جانە نەمەسە ءىسىن ەندى باستاعان سۋبەكتىلەرگە بەرىلەدى.