Sholpan City تۇرعىن ءۇي كەشەنىندە مۇلىك يەلەرى بىرلەستىگىنىڭ (وسي) زاڭدى ءتوراعاسىنىڭ وكىلەتتىگى قالپىنا كەلتىرىلدى. بۇل شەشىم تۇرعىنداردىڭ قالالىق اكىمدىككە جۇگىنۋىنەن كەيىن قابىلدانعان. الماتى اكىمى دارحان ساتىبالدىنىڭ تاپسىرماسىمەن كەشەننىڭ جاعدايىنا تەكسەرۋ جۇرگىزىلىپ، ساراپشىلار باسشىلىقتى قايتا سايلاۋدىڭ زاڭدىلىعىن راستادى.
بەس جىل بۇرىن پايدالانۋعا بەرىلگەن Sholpan City تۇرعىن ءۇي كەشەنى وسى ۋاقىت ارالىعىندا ءبىرقاتار ۇيىمداستىرۋشىلىق جانە پايدالانۋ ماسەلەلەرىنە تاپ بولعان. تۇرعىندار جەراستى اۆتوتۇراعىنىڭ ماقساتسىز پايدالانىلۋى، داۋلى نىساندار جانە مۇلىك يەلەرى بىرلەستىگى ىشىندەگى كەلىسپەۋشىلىكتەر تۋرالى حابارلاعان.
«كەيبىر تۇرعىندار ءتىپتى اۆتوتۇراقتا بولمە جاساپ العان – كىر جۋادى، تاماق پىسىرەدى، سول جەردە تۇرادى. مۇنى قالىپتى جاعداي دەۋگە كەلمەيدى»، – دەدى كەشەن تۇرعىنى راۋشان ءابىلوۆا.
قيىندىقتار بۇرىنعى ميب ءتوراعاسىنىڭ وكىلەتتىكتى تاپسىرۋ ءراسىمىن ساقتاماۋىنان دا تۋىنداعان.
«19 قىركۇيەكتە ەكس-توراعا ايمان يزاتوۆا eGov.kz پورتالىندا ءوز-وزىن قايتادان ميب وكىلى ەتىپ تاعايىنداعان. الايدا تۇرعىندارعا دا، مەملەكەتتىك ورگاندارعا دا قايتا تىركەۋ قۇجاتتارىن كورسەتكەن جوق»، – دەدى سايلانعان ءتورايىم ارايلىم الماعامبەتوۆا.
قالالىق قىزمەتتەردىڭ ارالاسۋىنان كەيىن جاعداي رەتتەلدى. تۇرعىندار قالا اكىمىنە كورسەتكەن نازار مەن قولداۋى ءۇشىن العىس ءبىلدىردى.
«دارحان امانگەلدىۇلىنا ءبىزدى تىڭداپ، ماسەلەنى شەشكەنى ءۇشىن ريزاشىلىعىمىزدى بىلدىرەمىز. ونىڭ ارالاسۋىمەن تۇيتكىل شەشىلىپ، ەندى باسقا باعىتتار بويىنشا دا جۇمىس باستالاتىنىنا سەنىم بار»، – دەدى ولار.
قازىرگى تاڭدا جەردى پايدالانۋ، كوممۋنالدىق تولەمدەر مەن اۋماقتى كۇتىپ-ۇستاۋعا قاتىستى ماسەلەلەردى رەتتەۋ جالعاسىپ جاتىر. بارلىق پروسەسس قالا باسشىلىعىنىڭ باقىلاۋىندا.