جاقىندا "Alatau-Aqparat" مەدياحولدينگىندە "اتىراۋ-اقپارات" ج ش س ديرەكتورىنىڭ ورىنباسارى سەرىك قابدولوۆ كەلدى.
كەزدەسۋ بارىسىندا تاراپتار مەديا سالاسىنداعى ءوزارا ءىس-قيمىلدى نىعايتۋ، وڭىرلىك اقپارات كەڭىستىگىن دامىتۋ جانە زاماناۋي تەحنولوگيالاردى ەنگىزۋ باعىتىنداعى تاجىريبەنى ءبولىستى. اسىرەسە، جاساندى ينتەللەكتىنى رەداكسيالىق جۇمىسقا ەنگىزۋ تاجىريبەسى تۋرالى اقپارات بەرىلدى.
قوناققا "Alatau-Aqparat" قۇرامىنداعى سايتتار مەن باسىلىمداردىڭ، سونداي-اق الەۋمەتتىك جەلىلەردەگى اقپاراتتىق جۇمىستار قالاي ۇيىمداستىرىلىپ جاتقانى جانە جاساندى ينتەللەكت قۇرالدارىنىڭ رەداكسيالىق پروسەستەرگە قالاي ينتەگراسيالانعانى تانىستىرىلدى. سەرىك قابدولوۆ بۇل باعىتتاعى جۇمىستاردىڭ مەديانىڭ ساپاسى مەن جەدەلدىگىن ارتتىرۋعا ىقپال ەتەتىنىن اتاپ ءوتتى.
كەزدەسۋ سوڭىندا تاراپتار ءوزارا ىنتىماقتاستىق تۋرالى مەموراندۋمعا قول قويدى. قۇجات اياسىندا اقپارات الماسۋدى جۇيەلەۋ، بىرلەسكەن جوبالار مەن ايماقتىق مەديانىڭ دامۋىنا سەرپىن بەرەتىن باستامالاردى ىسكە اسىرۋ كوزدەلگەن.
سەرىك قابدولوۆ ءوز كەزەگىندە "اتىراۋ-اقپارات" پەن "Alatau-Aqparat" اراسىنداعى ارىپتەستىكتىڭ ەكى ءوڭىردىڭ مەديا كەڭىستىگىنە جاڭا سەرپىن بەرىپ، كاسىبي تاجىريبە مەن يدەيا الماسۋدىڭ ءتيىمدى الاڭىنا اينالاتىنىنا سەنىم ءبىلدىردى.
ال "Alatau-Aqparat" مەدياحولدينگىنىڭ باس ديرەكتورى ەرجان قالىمباي ۇلى ارىپتەس ۇيىمدارمەن وسىنداي تاجىريبە الماسۋ كەزدەسۋلەرى وڭىرلىك جۋرناليستيكانىڭ دامۋىنا، زاماناۋي مەديا ۇردىستەردى مەڭگەرۋگە جانە اقپاراتتىق ساياساتتى جاڭا دەڭگەيگە كوتەرۋگە جول اشاتىنىن اتاپ ءوتتى.