الماتىدا قالا اكىمى ەربولات دوسايەۆ قازاقستان رەسپۋبليكاسىنداعى بەلارۋس رەسپۋبليكاسىنىڭ توتەنشە جانە وكىلەتتى ەلشىسى الەكسەي بوگدانوۆپەن كەزدەستى.
قالا باسشىسى الەكسەي بوگدانوۆتى جاقىندا ديپلوماتيالىق قىزمەتكە تاعايىندالۋىمەن قۇتتىقتاپ، الماتى مەن بەلارۋس رەسپۋبليكاسى اراسىنداعى ۇزاق مەرزىمدى دوستىق قاتىناستارعا نەگىزدەلگەن جوعارى دەڭگەيدەگى ىنتىماقتاستىعىن اتاپ ءوتتى، دەپ حابالايدى aqshamnews.kz.
كەزدەسۋ بارىسىندا ەكىجاقتى ىنتىماقتاستىق، اتاپ ايتقاندا، ساۋدا-ەكونوميكالىق بايلانىستى دامىتۋ، ينۆەستيسيالىق ءوزارا ارەكەتتەستىك جانە مادەني-گۋمانيتارلىق الماسۋ ماسەلەلەرى تالقىلاندى.
بەلارۋس – الماتىنىڭ ماڭىزدى ەكونوميكالىق سەرىكتەسى. قالادا بەلورۋس كاپيتالى بار 405 كاسىپورىن جۇمىس ىستەيدى، ال 2024 جىلى الماتى مەن بەلارۋس اراسىنداعى تاۋار اينالىمى شامامەن 300 ملن اقش دوللار بولعان.
كەزدەسۋ سوڭىندا تاراپتار ءوزارا ىسكەرلىك دەلەگاسيالاردى جىبەرۋ، ساۋدا-ەكونوميكالىق، ينۆەستيسيالىق جانە ءعىلىمي-بىلىم بەرۋ ىنتىماقتاستىعىن جانداندىرۋ تۋرالى كەلىستى.