الماتى اكىمى ەربولات دوسايەۆتىڭ قالا تۇرعىندارىمەن كەزەكتى كەزدەسۋى بوستاندىق اۋدانىندا ءوتتى. قالا باسشىسى اۋداننىڭ دامۋى جانە وتكەن جىلى تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 200-دەن استام ادام كەلدى، دەپ حابارلايدى اlmaty-akshamy.kz.
بوستاندىق اۋدانى ءۇشىن ەڭ وزەكتى ماسەلەلەر – ينجەنەرلىك كوممۋنيكاسيالاردى جاڭعىرتۋ، جول جانە الەۋمەتتىك ينفراقۇرىلىمدى دامىتۋ، قوعامدىق كەڭىستىكتەردى قۇرۋ جانە جالپى اۋداندى اباتتاندىرۋ.
وتكەن جىلى اۋداندا ەرعوجين، گاندي، عابدۋللين، موگيليەۆسكيي، ساتبايەۆ كوشەلەرىندە جانە "وربيتا-4" شاعىناۋدانىندا 1،6 كم جىلۋ جەلىلەرى قايتا جاڭارتىلدى. ەلەكترمەن جابدىقتاۋدىڭ 4،8 كم كابەلدىك جەلىسىن توسەۋ اياقتالدى. بۇگىندە «الماگۇل» قوسالقى ستانسياسىنا ەلەكتر قۋاتىن بەرۋ جۇمىستارى جۇرگىزىلۋدە. اعىمداعى جىلدىڭ ماۋسىم ايىندا قوسالقى ستانسيا ىسكە قوسىلسا، وندا اۋداننىڭ 200 مىڭعا جۋىق تۇرعىنى ەلەكتر ەنەرگياسىمەن ۇزدىكسىز قامتاماسىز ەتىلەدى.
جالپى، بوستاندىق اۋدانىنىڭ تۇرعىندارىنا كوممۋنالدىق قىزمەتتەردى جەتكىزۋ ساپاسىن ارتتىرۋ ءۇشىن 2023 جىلى 26،5 كم ينجەنەرلىك جەلىلەردى قايتا جاڭارتۋ جوسپارلانعان. قابىلدانعان شارالار اۋداننىڭ 150 مىڭعا جۋىق تۇرعىنىن ساپالى سۋمەن جانە جىلۋمەن قامتاماسىز ەتۋگە مۇمكىندىك بەرەدى.
اۋداننىڭ مەكتەپتەرى مەن مەكتەپكە دەيىنگى ۇيىمدارىندا ورىن تاپشىلىعى پروبلەماسىن جۇيەلى شەشۋ ءۇشىن 8600 ورىندىق 6 جاڭا مەكتەپ جانە 980 ورىندىق 4 بالاباقشا، سونداي-اق 400 ورىندىق 8 جەكەمەنشىك بالاباقشا سالۋ جوسپارلانعان.
«جايلى مەكتەپ» جوباسى بويىنشا 4200 ورىندىق 3 مەكتەپ سالۋ جوسپارلانۋدا. قۇرىلىستىڭ باستالۋى اعىمداعى جىلدىڭ قىركۇيەگىنە جوسپارلانعان.
مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن وسى جىلدىڭ ناۋرىز ايىندا بالالارعا شۇعىل مەديسينالىق كومەك ورتالىعىنىڭ وپەراسيالىق بلوگى بار قابىلداۋ ءبولىمىنىڭ كورپۋسى مەن 300 ادام كەلەتىن ايەلدەر كونسۋلتاسياسىنىڭ پەرزەنتحانا ءبولىمىنىڭ قۇرىلىسىن اياقتاۋ قاراستىرىلۋدا.بۇدان باسقا، اعىمداعى جىلى 5 دەنساۋلىق ساقتاۋ نىسانىن سالۋ، رەكونسترۋكسيالاۋ جانە كۇردەلى جوندەۋ جوبالانۋدا.
اۋداندا جول ينفراقۇرىلىمىن دامىتۋ وزەكتى ماسەلە بولىپ قالا بەرەدى. وتكەن جىلى ۇزىندىعى شامامەن 23 كم بولاتىن 22 كوشەگە ورتاشا جوندەۋ جۇرگىزىلدى، جالپى اۋدانى 8 مىڭ شارشى مەتردەن اساتىن 65 كوشەگە اعىمداعى جوندەۋ جۇرگىزىلدى. اعىمداعى جىلى ۇزىندىعى 15،5 كم بولاتىن 31 كوشەگە ورتاشا جوندەۋ جۇرگىزۋ جوسپارلانۋدا، سونداي-اق ەسەنتاي وزەنى ارقىلى وتەتىن كوپىردى 2 جاياۋ جۇرگىنشىلەر كوپىرى قۇرىلعىلارىمەن جانە ەرەكشە قاجەتتىلىكتەرى بار ادامدارعا ارنالعان پاندۋستارمەن قايتا جاڭارتۋ جۇرگىزىلەدى. نىسان بويىنشا جسق اقپان ايىنىڭ سوڭىنا دەيىن اياقتالادى دەپ كۇتىلۋدە.
الماتى اكىمىنىڭ تاپسىرماسى بويىنشا 15 كولىك باعىتىندا (212 جاڭا اۆتوبۋس) جىلجىمالى سوستاۆ جاڭارتىلدى.
اۋداندا ۇنەمى سۋ باسىپ قالاتىن ورىندار ماسەلەسى بەلسەندى تۇردە شەشىلۋدە. تج جەلىسى بويىنشا وسى ماسەلەنى جەدەل شەشۋ ءۇشىن وتكەن جىلى كوللەكتورلاردى، ارنالاردى قالپىنا كەلتىرۋ جانە ارىق جەلىسىن سالۋ جۇمىستارى باستالدى. اۋداندا سۋ باسۋعا بەيىم 16 ۋچاسكە انىقتالدى. بۇگىندە 913 م ارىق جەلىلەرىن قايتا قۇرۋ جانە سالۋ ەسەبىنەن 5 ۋچاسكە جويىلدى. اعىمداعى جىلدىڭ ناۋرىز ايىنىڭ سوڭىنا دەيىن تيميريازيەۆ پەن ايمانوۆ كوشەلەرىنىڭ قيىلىسىندا تاعى 1 ۋچاسكە رەتتەلەدى. قالعان 10 ۋچاسكە 2023 جىلدىڭ سوڭىنا دەيىن جويىلادى.
بەينەباقىلاۋ جۇيەلەرىنىڭ جەلىسىن كەڭەيتۋ ءۇشىن 2022 جىلى اۋداندا 301 بەينەباقىلاۋ جۇيەسىنىڭ كامەراسى ورناتىلدى. 2023 جىلدىڭ ءبىرىنشى جارتىجىلدىعىنىڭ سوڭىنا دەيىن جاڭا اوسشك بەينەكامەرالارىن (شامامەن 700-800 بەينەكامەرا) ورناتۋ ءۇشىن مەكەنجايلار ءتىزىمى قوسىمشا دايىندالادى.
اكىممەن وتكەن تۇراقتى كەزدەسۋلەر بارىسىندا تۇرعىندار جايلى قالالىق ورتانى دامىتۋ جونىندە تىلەكتەرىن ءبىلدىردى. تۇرعىنداردىڭ جايلى تۇرۋى ءۇشىن قوعامدىق كەڭىستىكتىڭ 3 نىسانىن اباتتاندىرۋ جوسپارلانۋدا. جاڭا جوبالاردىڭ قاتارىندا ۇزىندىعى 7،1 كم ۇلكەن الماتى وزەنىنىڭ جاعالاۋى بار.
«حالىق قاتىساتىن بيۋدجەت» باعدارلاماسى اياسىندا وتكەن جىلى 800 ملن. تەڭگە سوماسىنا 21 جوبا ىسكە اسىرىلدى. اعىمداعى جىلى اتالعان باعدارلاما اياسىندا تۇرعىنداردىڭ وتىنىمدەرى بويىنشا 17 جوبا ىرىكتەلدى. 6 قوعامدىق كەڭىستىك جابدىقتالادى، 10 سپورت جانە ويىن الاڭى سالىنادى، سونداي-اق 1تەرەڭدەتىلگەن كونتەينەر الاڭى ورناتىلدى.
الماتى اكىمىمەن كەزدەسۋ بارىسىندا اۋدان تۇرعىندارى جولداردى جوندەۋ، كارىز جانە ەلەكتر جەلىلەرىن اباتتاندىرۋ جانە ت. ب. ماسەلەلەردى كوتەردى.