بۇگىن، 2025 جىلعى 4 قازاندا الماتى تاۋلارىندا قار جاۋدى.
اق ۇلپانى «شىمبۇلاق» تاۋ-شاڭعى كۋرورتىنىڭ كامەرالارى ءتۇسىرىپ العان، - دەپ حابارلايدى Aqshamnews.kz.
بۇگىن شىمبۇلاقتا ناعىز قىسقى اتموسفەرا! قار جاۋىپ، تاۋ ناعىز ەرتەگىگە اينالدى، — دەلىنگەن كۋرورتتىڭ جازباسىندا.
كادرلاردان تاۋدىڭ جوعارى بولىگى اپپاق قارمەن كومكەرىلىپ، اينالانى تۇمان باسقانىن كورۋگە بولادى.
ايتا كەتەيىك، «قازگيدرومەت» رمك دەرەگىنشە، 4 قاراشا كۇنى ساعات 3:00–تەن 20:00–گە دەيىن جالپى 5-6 مم كولەمىندە جاڭبىر جاۋادى. اۋا تەمپەراتۋراسى تۇندە جانە كۇندىز +5…+7 گرادۋسقا دەيىن تومەندەيدى. 5 قاراشادا اۋىسپالى بۇلتتى، كەي جەرلەردە جاڭبىر مەن قار تۇرىندەگى جاۋىن-شاشىن (قالىڭدىعى 10 مم-گە دەيىن)، كوكتايعاق بولادى. اۋا تەمپەراتۋراسى تۇندە -3…-5 °س، كۇندىز +1…+3 °س شاماسىندا.
ەسكە سالايىق، مۇنىڭ الدىندا الماتىدا اۋا رايىنىڭ كۇرت بۇزىلۋىنا بايلانىستى كوممۋنالدىق قىزمەتتەر تاۋلىك بويى جۇمىس ىستەۋ رەجيمىنە اۋىسقانىن حابارلاعان ەدىك.
«الماتى تازالىق» كاسىپورىندارىنىڭ بازالارىندا جۇرگىزۋشىلەر، مەحانيزاتورلار مەن جۇمىسشىلار تاۋلىك بويى كەزەكشىلىك اتقارادى. قار تۇسپەي تۇرىپ، ماگيسترالدىق كوشەلەرگە الدىن الا سۇيىق رەاگەنتتەر سەبىلەدى.