بارلىعى 64 ادام اكەلىنگەن.
قازاقستان رەسپۋبليكاسى سىرتقى ىستەر مينيسترلىگىنىڭ مالىمەتىنشە، تۇركيادا 75 مىڭعا جۋىق قازاقستاندىق بولۋى مۇمكىن، دەپ حابارلايدى Almaty-akshamy.kz
2023 جىلعى 8 اقپاندا قازاقستان رەسپۋبليكاسى توتەنشە جاعدايلار مينيسترلىگىنىڭ 56 ادامنان تۇراتىن ەكىنشى ەشەلونى قاجەتتى ىزدەستىرۋ-قۇتقارۋ قۇرالدارىمەن تۇركيانىڭ گازيانتەپ پروۆينسياسىنا كەلدى. ءدال وسى ارنايى ۇشاق تۇركيادان قازاقستانعا 64 ادامدى جەتكىزدى.
ق ر سىرتقى ىستەر مينيسترلىگىنىڭ مالىمدەۋىنشە، قازاقستاننىڭ تۇركياداعى ەلشىلىگىنىڭ ۇيىمداستىرۋىمەن كەرى رەيسپەن يل-76 ۇشاعىمەن 64 ادام:
42 قازاقستان ازاماتى؛
22 قىرعىزستان ازاماتى استاناعا قايتارىلدى.
«ەلگە ورالعان ازاماتتار گازيانتەپ، مەرسين، كاحرامانماراش، ديارباكىر، شانلىۋرفا جانە ەليازىك پروۆينسيالارىنان كەلگەن»، -دەپ مالىمدەدى ق ر سىرتقى ىستەر مينيسترلىگى.
2023 جىلى 6 اقپاندا تاڭەرتەڭ تۇركيا مەن سيريادا جويقىن جەر سىلكىنىسى بولدى.
7 اقپاندا مەملەكەت باسشىسىنىڭ تاپسىرماسىمەن قازاقستاندىق قۇتقارۋشىلار مەن دارىگەرلەر توتەنشە جاعدايلار مينيسترلىگىنىڭ ارنايى رەيسىمەن تۇركياعا ۇشتى. سول ارنايى رەيسپەن كەشكى ۋاقىتتا تۇركيادان استاناعا 16 قازاقستاندىق پەن ەكى قىرعىزستاندىق كەلگەن.