ارىزدى مامانداندىرىلعان اۋدانارالىق ەكونوميكالىق سوتىنا بەردى.
الماتى قالاسىنىڭ پروكۋراتۋراسى «الماتى قالا جارىق» كاسىپورنىن جەكەشەلەندىرۋ زاڭدىلىعىن زەرتتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قالالىق پروكۋراتۋرانىڭ تاراتقان مالىمەتىنە سايكەس، الماتى قالاسى اكىمدىگىنىڭ 2021 جىلدىڭ قازان ايىنداعى قاۋلىسىمەن «الماتى قالا جارىق» شجق مكك-نى جەكەشەلەندىرۋ جونىندە شەشىم قابىلدانعان بولاتىن.
الماتى قالاسى مەملەكەتتىك اكتيۆتەر باسقارماسى 2021 جىلدىڭ قاراشا ايىنداعى مەملەكەتتىك مۇلىك ءتىزىلىمىنىڭ ۆەب-پورتالىندا 14 ملرد 835 ملن تەڭگە باستاپقى باعا ۇسىنىسىمەن («بيزنەسپارتنەركونسالت» ج ش س باعالاۋ ۇيىمى) العاشقى ساۋدا-ساتتىقتى وتكىزەتىنى تۋرالى جاريالاعان.
قاتىسۋعا وتىنىمدەردىڭ بولماۋىنا بايلانىستى ساۋدا-ساتتىق ەكى رەت وتپەدى دەپ تانىلدى.
2021 جىلدىڭ جەلتوقسان ايىنداعى ءۇشىنشى ساۋدا-ساتتىق ناتيجەلەرى بويىنشا 4 ملرد 660 ملن 20 مىڭ تەڭگە مولشەرىندەگى باعا ۇسىنىسىمەن (جالعىز ءوتىنىم) «ABM Group.com» ج ش س جەڭىمپاز بولىپ جاريالاندى. كەيىننەن جەڭىمپازبەن ساتىپ الۋ-ساتۋ شارتى جاسالدى.
«تاۋار نارىعى باسەكەلەستىگىنىڭ جاي-كۇيىن تالداۋ بارىسىندا الماتى قالاسى بويىنشا باسەكەلەستىكتى قورعاۋ جانە دامىتۋ دەپارتامەنتى «مەملەكەتتىك مۇلىك تۋرالى» ق ر زاڭىنىڭ نورمالارىن، جەكەشەلەندىرۋ وبەكتىلەرىن ساتۋ ەرەجەلەرىن جانە الماتى قالاسى اكىمدىگىنىڭ ارەكەتتەرىندە كاسىپكەرلىك كودەكسىن بۇزۋ فاكتىلەرىن انىقتادى. وسىعان بايلانىستى، قالالىق پروكۋراتۋرانىڭ زاڭدىلىقتى بۇزۋشىلىقتى جويۋ تۋرالى ۇسىنىسى مەن جوعارىدا اتالعان دەپارتامەنتتىڭ حابارلاماسى نەگىزىندە اكىمدىك «الماتى قالا جارىق» شجق مكك ساتۋ بويىنشا ساتىپ الۋ-ساتۋ شارتىن بۇزۋ جانە جارامسىز دەپ تانۋ تۋرالى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا تالاپ-ارىز بەردى»، - دەلىنەدى پروكۋراتۋرانىڭ حابارلاماسىندا.