سەبەبى قار كوشكىنى ءقاۋپى ساقتالادى.
الماتىلىق قۇتقارۋشىلار قالا تۇرعىندارى مەن قوناقتارىن الداعى كۇندەرى تاۋعا شىقپاۋعا شاقىردى، دەپ حابارلايدى Almaty-akshamy.kz.
«جىلىمىقتىڭ اسەرىنەن قار جامىلعىسى تۇراقسىز جانە بيىك. وسىعان بايلانىستى 5-8 ءساۋىر ارالىعىندا كىشى جانە ۇلكەن الماتى سۋ الاپتارىندا قار كوشكىنى ءقاۋپى ساقتالادى. وسىعان وراي، قالا تۇرعىندارى مەن قوناقتارىنا تاۋلار مەن قارلى تىك جارتاستارعا شىقپاۋعا كەڭەس بەرەمىز. تاۋدا اباي بولىڭىزدار»، - دەلىنگەن الماتى قالالىق توتەنشە جاعدايلار دەپارتامەنتى تاراتقان حابارلامادا.
ەستەرىڭىزگە سالا كەتcەك، 4 ءساۋىر كۇنى «قازگيدرومەت» ەلىمىزدىڭ قالالارىندا قالىپتاساتىن اۋا ساپاسى تۋرالى مالىمەت ۇسىنعان بولاتىن. بۇل مالىمەت بويىنشا، نۇر-سۇلتان، شىمكەنت، اقتاۋ، قاراعاندى، تەمىرتاۋ قالالارىمەن قاتار، الماتى قالاسىندا دا قولايسىز مەتەورولوگيالىق جاعداي كۇتىلەدى.