الماتى-2 ۆوكزالىندا پويىز توبەسىنە شىققان ءجاسوسپىرىمدى توق سوقتى، - دەپ حابارلايدى aqshamnews.kz ءتىلشىسى.
وقيعا 19 شىلدەدە ساعات 18:55-تە الماتى-2 ستانسياسىندا بولعان. ستانسيا كەزەكشىسى 15 جاستاعى ءجاسوسپىرىمنىڭ ۆاگوننىڭ توبەسىنە رۇقساتسىز شىققانىن تىركەگەن.
"ناتيجەسىندە ونى ەلەكتر توعى سوعىپ، كۇيىك جاراقاتىن الدى. وقيعا ورنىنا جەدەل تۇردە جەدەل جاردەم بريگاداسى جەتتى. ءجاسوسپىرىم ءتىرى، وعان مەديسينالىق كومەك كورسەتىلدى"، – دەپ حابارلادى "قتج" كومپانياسى.
ماماندار تەمىرجول اسا ءقاۋىپتى ايماق ەكەنىن ەسكە سالادى. جولعا رۇقساتسىز شىعۋ نەمەسە جىلجىمالى قۇرام ماڭىندا قاۋىپسىزدىك ەرەجەلەرىن ەلەمەۋ ادام ءومىرى مەن دەنساۋلىعىنا اۋىر زارداپ اكەلۋى مۇمكىن.
ءقازىر بۇل وقيعا بويىنشا قىزمەتتىك تەكسەرىس جۇرگىزىلىپ جاتىر.