كەتي پەرريدىڭ اقش-تاعى سان-فرانسيسكو قالاسىندا وتكەن "Lifetimes" تۋرى كەزىندە رەكۆيزيتىنەن اقاۋ شىقتى. ءانشى بيىكتەن تىڭدارماندارىنا قۇلاپ كەتە جازدادى، - دەپ حابارلايدى aqshamnews.kz ءتىلشىسى People-عا سىلتەمە جاساپ.
الەۋمەتتىك جەلىلەردە تاراعان ۆيدەودا پەرري "Roar" ءانىن ورىنداپ جاتقان ءسات كورسەتىلگەن. ءانشى كوبەلەك بەينەسىندەگى قۇرىلعىنىڭ ۇستىنە ءمىنىپ، اۋەگە كوتەرىلگەن. الايدا قۇرىلعى كەنەت ىستەن شىعىپ، كەتي تىڭدارماندارىنا قاراي قۇلاپ كەتە جازدادى. قۇرىلعى قيسايىپ كەتكەن كەزدە ول وتىرعىشتان سىرعاناپ، ءاندى جارتى جولدا توقتاتۋعا ءماجبۇر بولدى.
ءانشى تىرەككە جارماسىپ قالۋعا تىرىستى. كەيىن قولىن كوتەرىپ، ءوزىنىڭ ءدىن امان ەكەنىن ءبىلدىردى دە، ءانىن جالعاستىردى. كەيىن كوبەلەك قايتادان قوزعالا باستاعان.