الماتىدا ءىز-تۇزسىز جوعالىپ كەتكەن ەر ادام ءۇش كۇننەن بەرى ىزدەستىرىلىپ جاتىر. بۇل تۋرالى LIDER.KZ ەرىكتىلەرى Instagram-پاراقشاسىندا ءبولىستى، - دەپ حابارلايدى Massaget.kz ءتىلشىسى.
مامبەتوۆ اسقار ءابدۋجاليل ۇلى، 1978 جىلى تۋعان، 14 شىلدەدە تالعار اۋدانىنا قاراستى تۇزدىباستاۋ اۋىلىندا جوعالىپ كەتكەن. سول كۇنى شامامەن ساعات 11:30-دا ول بەردىعۇل ۇلى كوشەسى، 18ا مەكەنجايىنداعى ورتالىق مەشىتتەن شىققان.
كۋاگەرلەر كەيىن ونى ايالدامادا كورگەن، ول الماتىعا باعىت العان №54 اۆتوبۋسقا وتىرعان. سودان بەرى ونىڭ قايدا ەكەنى بەلگىسىز.
بەلگىلەرى: بويى 165–170 سم، ارىق دەنەلى، كوزى قارا.
كيىمى: قارا ءتۇستى تريكو، قارا فۋتبولكا، قارا سلانسى جانە قارا كەپكا.
سونداي-اق، ەر ادامنىڭ باعىت-باعداردان اداساتىنى، پسيحيكالىق اۋرۋعا شالدىققانى حابارلاندى.