مەملەكەتىمىزدىڭ باسشىسى قاسىم-جومارت توقايەۆتىڭ قازاقستان حالقىنا جولداعان «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىندا ەلىمىزدىڭ دامۋ باعدارىنىڭ نەگىزگى باعىتتارى ناقتى بەلگىلەنىپ، جۇرگىزىلەر رەفورمالار ايقىندالعان.
سونىڭ ىشىندە، اسىرەسە، الەۋمەتتىك سالاداعى باعىتتارعا باستى نازار اۋدارىلعان.
دەنساۋلىق ساقتاۋ سالاسىنىڭ ۇيىمداستىرۋشىسى، دارىگەر رەتىندە مەن ءۇشىن وسى جولداۋداعى الەۋمەتتىك سالانى دامىتۋعا باعىتتالعان رەفورمالاردىڭ وتە ماڭىزدى جانە ونى قولدايتىنىمدى ايتقىم كەلەدى.
اتاپ ايتقاندا، مەديسينا سالاسىن بارىنشا قاجەتتى دەڭگەيدە قارجىلاندىرۋ، ءبىلىم بەرۋ ساپاسىن جەتىلدىرۋ، زەينەتاقى جۇيەسىن جاڭعىرتۋ، «بالالار جىلى» اياسىندا «ۇلتتىق قور – بالالارعا» اتتى جاڭا باعدارلامانى جۇزەگە اسىرۋ، بالالاردىڭ ارناۋلى جيناقتاۋشى ەسەپشوتىنىڭ اشىلۋى سياقتى حالىقتىڭ ءومىر ءسۇرۋ دەڭگەيىن كوتەرۋگە ارنالعان.
ماسەلەن، دارىگەرلىك ىستە بۇگىنگى كۇنى ەڭ نەگىزگى رەسۋرس، ول – بىلىكتى مامان. جوعارى تەحنولوگيا دامۋ بارىسىندا، جاسالىپ جاتقان وپەراسيا، پروسەدۋرالار دا دامىپ جاتىر. وسى ورايدا، قازىرگى تاڭدا ارنايى مامانداندىرىلعان ءپروفيلدى دارىگەرلەردى دايارلاۋ سۇراعى تۋىنداپ وتىر. ءدال وسى ماسەلەنى شەشەتىن جول – رەزيدەنتۋرادا جالپى تاجىريبەلى دارىگەردى تەرەڭدەتىلگەن ارنايى دايارلاۋ. جولداۋدا 3 جىلدا رەزيدەنتۋرادا ءبىلىم الۋ كولەمىن 70%-عا دەيىن كوتەرۋ. قازىرگى تاڭدا الماتى اكىمدىگى باسقا ايماقتارمەن سالىستىرعاندا ەڭ كوپ ءبىلىم گرانتىنا قارجىلاندىرۋ ءبولىپ وتىر، تاپسىرىس كولەمىن جولداۋ نەگىزىندە ودان دا جوعارىلاتسا، قالامىزدىڭ ءپروفيلدى مامان تاپشىلىعىن تەزىرەك جويۋعا، سالدارىندا، دەنساۋلىق ساقتاۋ ءىسىنىڭ ساپالىق دامۋىنا اكەلەتىنىن تۇسىنەمىن. سونىمەن قاتار، پرەزيدەنتىمىز ءوز جولداۋىندا: «قۋاتتى ۇلتتىڭ دىڭگەگى – حالىق. ەڭ باستىسى، ازاماتتارىمىزدىڭ دەنساۋلىعى مىقتى، ءبىلىمى تەرەڭ بولۋى كەرەك» ەكەندىگى اتالدى، بۇل ەلىمىزدىڭ ءاربىر ازاماتىنىڭ، ءارقايسىمىزدىڭ قوعام الدىنداعى جاۋاپكەرشىلىگىمىز، ۇرپاق الدىنداعى مىندەتىمىز، ءوز ومىرىمىزدەگى باستى ءداستۇرىمىز بولۋى كەرەك دەپ ويلايمىن.
سوندىقتان قىمباتتى قازاقستاندىقتار، بارلىعىمىز ءوز جەكە باسىمىز، جانۇيامىز، ۇجىمىمىزدا وسى پرينسيپتەردى ۇستانۋعا شاقىرامىن!