جەڭىمپازدار ۇشتىگى مەدالدار، گراموتالار جانە ەستەلىك سىيلىقتارمەن ماراپاتتالادى
ءداستۇرلى 11ء-شى الماتى مارافونى الماتىدا وتۋدە. ءىرى جارىسقا قازاقستاننان، سونداي-اق الەمنىڭ 30-دان استام ەلىنەن، سونىڭ ىشىندە اقش، وڭتۇستىك كورەيا، كەنيا، گەرمانيا، يسپانيا، وزبەكستان، قىرعىزستان، رەسەي جانە باسقا ەلدەردەن 15 جاسقا تولعان 12 مىڭعا جۋىق اۋەسقوي سپورتشى قاتىسۋدا.
مارافونعا قاتىسۋشىلار كلاسسيكالىق مارافون قاشىقتىعىندا (42،2 كم)، سونداي-اق 21،1 كم، 10 كم بويىنشا جارىسادى. سونىمەن قاتار، نيەتتەنۋشىلەر 10 كم قاشىقتىقتى سكانديناۆيالىق جۇرىسپەن نەمەسە ەكيدەن ەستافەتاسىنا قاتىسۋ ارقىلى يگەرە الادى. سونداي-اق، بيىل «الماتى مارافونى» اياسىندا مارافون مەن 10 شاقىرىمعا جۇگىرۋدەن ق ر چەمپيوناتى وتەدى.
بارلىق جاس ساناتتارىندا ەرلەر مەن ايەلدەر اراسىنداعى جەڭىمپازدار ۇشتىگى مەدالدار، گراموتالار جانە ەستەلىك سىيلىقتارمەن ماراپاتتالادى. 21،1 كم جانە 42،2 كم قاشىقتىقتاردا ابسوليۋتتىك ساناتتارداعى ەرلەر مەن ايەلدەر اراسىنداعى جەڭىمپازدار اقشالاي سىيلىقتارعا يە بولادى. مارەگە جەتكەن بارلىق قاتىسۋشىلارعا ەستەلىك مەدالدار تابىس ەتىلەدى.
قاتىسۋشىلاردىڭ باستاپقى جارنالارىنان جينالعان قاراجاتتىڭ ءبىر بولىگىن ۇيىمداستىرۋشىلار ءداستۇر بويىنشا قايىرىمدىلىق ماقساتتارىنا جۇمسايدى.
الماتى مارافونىنىڭ باعىتى ساتبايەۆ كوشەسى، سەيفۋللين داڭعىلى، ءال-فارابي داڭعىلى، سايىن كوشەسى، اباي داڭعىلى ارقىلى وتەدى. وسىعان وراي، ساعات 7:00-دەن 13:00-گە دەيىنگى كەزەڭدە مارافون ديستانسياسى وتەتىن جەرلەردە قوزعالىس ءىشىنارا جابىلادى. سپورتشىلار قاشىقتىقتى ءجۇرىپ وتكەن سايىن تراسسالار اشىلادى.
«الماتى مارافونى» AIMS حالىقارالىق ستارتتار مەن جۇگىرۋ قاۋىمداستىعىنا كىرەدى، مارافون تراسسالارى World Athletics ستاندارتتارىنا سايكەس سەرتيفيكاتتالعان.