قازاقستان رەسپۋبليكاسى ساۋدا جانە ينتەگراسيا مينيسترلىگىنىڭ الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى (بۇدان ءارى – دەپارتامەنت) بارلىق ءىرى ساۋدا وبەكتىلەرىندە، ساۋدا جەلىلەرىندە، سۋپەرماركەتتەردە، ساۋدا بازارلارىندا، سونداي-اق ءۇي جانىنداعى دۇكەندەردە الەۋمەتتىك ماڭىزى بار ازىق-تۇلىك تاۋارلارىنا 15% ساۋدا ۇستەمەسىن ساقتاۋ بويىنشا الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا تالداۋ جۇرگىزەدى.
اعىمداعى جىلدىڭ باسىنان باستاپ قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ (بۇدان ءارى - ق ر اقبتك) 204-4-بابىنا سايكەس، Small، JLC، Galmart، Toimart، My Mart ساۋدا جەلىسى، ا-ستور، بەككەر، سۋپەرماركەت Carefood، «Food Beverage Trading» ج ش س، «Airba Fresh» ج ش س، «Good Luck Trade» ج ش س، «Mix Market Trade» ج ش س جانە باسقا دا كاسىپكەرلىك سۋبەكتىلەرىنە قاتىستى جوسپاردان تىس تەكسەرۋلەر جۇرگىزىلىپ، ناتيجەلەرى بويىنشا 420-دان استام كاسىپكەرلىك سۋبەكتىلەرى اكىمشىلىك جاۋاپكەرشىلىككە تارتىلدى.
مىسالى: ق ر اقبتك 204-4-بابىنىڭ 2-بولىگىنە سايكەس، «مەترو» ءىرى ساۋدا جەلىسى الەۋمەتتىك ماڭىزى بار ازىق-تۇلىك تاۋارلارىنا 15% ساۋدا ۇستەمەسىن اسىرعانى ءۇشىن اكىمشىلىك جاۋاپكەرشىلىككە تارتىلدى.
«مەترو كەش ەند كەرري» ج ش س دەپارتامەنت شىعارعان اكىمشىلىك شەشىمگە بارلىق سوت ينستانسيالارىندا، سونىڭ ىشىندە كاسساسيالىق تارتىپپەن شاعىمداندى، ءبىراق ناتيجە بولمادى، ويتكەنى دەپارتامەنتتىڭ ارەكەتتەرى زاڭدى.
ايتا كەتۋ كەرەك، «مەترو» ساۋدا جەلىسى بەلگىلەنگەن ساۋدا ۇستەمەسى ءۇشىن اكىمشىلىك جاۋاپكەرشىلىككە ءبىرىنشى رەت تارتىلىپ وتىرعان جوق. بۇعان دەيىن 2024 جىلى «مەترو كەش ەند كەرري» ج ش س ساۋدا ۇستەمەسى ءۇشىن اكىمشىلىك جاۋاپكەرشىلىككە تارتىلعان بولاتىن، سونداي-اق، دەپارتامەنتتىڭ اكىمشىلىك شەشىمىنە سوت تارتىبىمەن شاعىمداندى، ناتيجەسىندە كاسىپكەرلىك سۋبەكتىسىنە تالاپتاردى قاناعاتتاندىرۋدان، ونىڭ ىشىندە قازاقستان رەسپۋبليكاسىنىڭ جوعارعى سوتىمەن باس تارتىلدى.
سونداي-اق، الماتى قالاسىنىڭ «Small» جانە «Toimart» سياقتى ءىرى ساۋدا جەلىلەرى ساۋدا ۇستەمەسىنىڭ 15% اسقانى ءۇشىن اكىمشىلىك جاۋاپكەرشىلىككە تارتىلدى.
دەپارتامەنت مەملەكەتتىك باقىلاۋ فۋنكسيالارىن ىسكە اسىرۋ بويىنشا كەشەندى ءىس-شارالاردى وتكىزگەن كەزدە، SMALL ساۋدا جەلىسىن سوت ق ر اقبتك-نىڭ 462-بابى بويىنشا، مەملەكەتتىك باقىلاۋ فۋنكسيالارىن ورىنداۋى كەزىندە دەپارتامەنتتىڭ لاۋازىمدى تۇلعالارىنا كەدەرگى كەلتىرگەنى ءۇشىن، اكىمشىلىك جاۋاپكەرشىلىككە تارتتى.
قازىرگى ۋاقىتتا ءۇي جانىنداعى دۇكەندەردە الەۋمەتتىك ماڭىزى بار ازىق-تۇلىك تاۋارلارىن ساتاتىن جوسىقسىز كاسىپكەرلەردى اكىمشىلىك جاۋاپكەرشىلىككە تارتۋ بويىنشا كەشەندى جۇمىس جۇرگىزىلۋدە.
كاسىپكەرلىك سۋبەكتىلەرىنىڭ نازارىن دەپارتامەنت «ساۋدا قىزمەتىن رەتتەۋ تۋرالى» قازاقستان رەسپۋبليكاسى زاڭىنىڭ نورمالارىن ساقتاۋعا تۇراقتى نەگىزدە تالداۋ جۇرگىزەتىنىنە اۋدارامىز، وسىعان بايلانىستى ساۋدا قىزمەتىن رەتتەۋ تۋرالى زاڭنامانى قاتاڭ ساقتاۋدى سۇرايمىز.