الماتىدا قارعالى وزەنىنىڭ ارناسىن جانە كوپىردى جاڭارتۋ جۇمىستارىنا بايلانىستى جەكسەنبايەۆ كوشەسىندەگى قوزعالىس شەكتەلەدى
الماتىدا قارعالى وزەنىنىڭ ارناسىن قايتا جاڭعىرتۋ جانە ونىڭ ۇستىندەگى كوپىردى جاڭارتۋ جۇمىستارىنا بايلانىستى جەكسەنبايەۆ كوشەسىندە (احانوۆ كوشەسىنە دەيىنگى ۋچاسكەدە) اۆتوكولىك قوزعالىسى ۋاقىتشا شەكتەلەدى. اۋماق 2025 جىلى 1 جەلتوقساننان 31 جەلتوقسانعا دەيىن ۋاقىتشا جابىلادى. بۇل تۋرالى ەكولوگيا جانە قورشاعان ورتا باسقارماسىنىڭ وكىلدەرى مالىمدەدى.
جۇرگىزۋشىلەرگە جۇمىس بارىسىندا جول قوزعالىسىن ۇيىمداستىرۋداعى وزگەرىستى ەسكەرە وتىرىپ، باعىتىن الدىن الا جوسپارلاۋىن سۇرايمىز.
قوزعالىسقا قاتىستى سوڭعى اقپارات جانە اينالما باعىتتاردىڭ سىزباسى @AlmatyJoly Telegram ارناسىندا، اۋدان اكىمدىكتەرى مەن سالالىق باسقارمالاردىڭ رەسمي پاراقشالارىندا، سونداي-اق 2GIS جانە ياندەكس.كارتا قوسىمشالارىندا جاريالانعان.
قالا تۇرعىندارىنان ۋاقىتشا قولايسىزدىققا تۇسىنىستىكپەن قاراپ، باعىتتى الدىن الا جوسپارلاۋعا كەڭەس بەرەمىز.