جاڭا جىل قارساڭىندا الماتىلىقتاردىڭ قۇتتىقتاۋلارى جۇڭگو تەلەديدارىندا كورسەتىلەتىن بولادى
2023 جىلدىڭ 31 جەلتوقسانىنان 2024 جىلدىڭ 1 قاڭتارىنا دەيىن الماتىداعى اباي الاڭىندا العاش رەت Poetry Date حالىقارالىق جاڭا جىلدىق پوەزيالىق اكسياسىنىڭ ءتۇسىرىلىمى وتەدى، دەپ حابارلايدى almaty-akshamy.kz
ترانسلياسيا الماتى ۋاقىتى بويىنشا ساعات 14:00-دە باستالادى جانە قىتايدىڭ CGTN ءىرى جاھاندىق تەليەۆيزيالىق جەلىسىنىڭ مەديا پلاتفورماسىندا تىكەلەي ەفيردە كورسەتىلەتىن بولادى. الەمنىڭ 7 قالاسى عانا جاڭا جىلدىق تەلەمارافونعا قاتىسا الادى. الماتىدان باسقا بيىل پاريج، سيدنەي، كاير، مەحيكو، سيان جانە چانشي ەفيرگە قوسىلادى.
ترانسلياسيا مەديا پلاتفورمادا 24 ساعات ىشىندە وتەدى. اكسياعا كەز كەلگەن ادام قاتىسا الادى، ول ءۇشىن ولەڭدى قازاق نەمەسە ورىس تىلىندە وقۋ جەتكىلىكتى.
Poetry Date جاڭا جىلدىق بەينەبايانىنا قازاق ەستراداسىنىڭ جۇلدىزدارى، تانىمال ارتىستەر مەن اقىندار قاتىسادى. جاڭا جىل قارساڭىندا ادامدار ءوتىپ بارا جاتقان 2023 جىلمەن قوشتاسۋعا جانە جاڭا 2024 جىلدى الەمنىڭ تۇكپىر-تۇكپىرىندەگى دوستارىمەن بىرگە قارسى الۋعا جينالادى.
ايتا كەتەيىك، بيىل الماتىدا تۋريستەر سانىنىڭ ايتارلىقتاي ءوسۋى بايقالدى. 2023 جىلدىڭ توعىز ايىندا قالا 409،4 مىڭنان استام شەتەلدىك تۋريستەردى قابىلدادى، ونىڭ ىشىندە 47،6 مىڭ تۋريست قىتايدان كەلگەن.
10-قاراشادان باستاپ قازاقستان جانە جۇڭگو اراسىندا جەكە، تۋريستىك، ەمدىك ماقساتتا، سونداي-اق حالىقارالىق تاسىمالدار، ىسكەرلىك ساپارلار مەن ترانزيت ءۇشىن ەلگە بارۋدى جەڭىلدەتەتىن ءوزارا ۆيزاسىز رەجيم كۇشىنە ەندى.