قازاقستاندا رەسمي مالىمەت بويىنشا زەرگەرلىك بۇيىمداردىڭ قۇنى 23،9%-عا قىمباتتادى، دەپ حابارلايدى اlmaty-akshamy.kz.
بۇل الدىڭعى 3 جىلداعى كورسەتكىشپەن تەڭ. ياعني، 2019-2021 جىلدارى جالپى ءوسىم 25%-دى قۇرادى. بۇعان سەبەپ - الەمدىك نارىقتاعى التىن باعاسىنىڭ ءوسۋى. ءبىر گرامم باعالى مەتالدىڭ رەسمي قۇنى اقپان ايىنىڭ ورتاسىندا 25 مىڭ تەڭگە شاماسىندا بولسا، 10 ناۋرىزعا قاراي 33 مىڭ تەڭگەدەن اسىپ كەتكەن.
باعاعا ىقپال ەتكەن ەكىنشىسى سەبەپ – سۇرانىستىڭ ارتۋى. ال بۇل، البەتتە، 8 ناۋرىز مەرەكەسىمەن بايلانىستى. ناۋرىز ايىنىڭ باسىندا تەڭگە باعامى قۇلدىرادى، دوللار ساتىپ الۋ مۇمكىن ەمەس ەدى. مۇنداي جاعدايلاردا زەرگەرلىك بۇيىمداردى ينۆەستيسيالاۋ قۇرالى رەتىندە قاراستىرۋعا بولادى.
ءبىر ەسكەرەتىن جايت، شەتەل ۆاليۋتاسى مەن التىن قۇيمالاردى قازاقستاننان تىس جەرلەرگە شىعارۋعا شەكتەۋلەر قويىلعان. بۇل شەكتەۋلەر زەرگەرلىك بۇيىمدار مەن ساعاتتارعا قاتىستى ەمەس.