XV–XVI عاسىرلار قاسىم حاننىڭ ارقاسىندا قازاقتىڭ مەملەكەتتىگى مەن ۇلى دالانىڭ وركەندەگەن كەزەڭى سانالادى.
قاسىم حان تۋرالى كينوتۋىندى 12 مامىردان باستاپ ەلىمىزدىڭ بارلىق كينوتەاترلارىنان كورسەتىلەدى. «قازاقفيلم» كينوكومپانياسى تۋىندىنىڭ پوستەرىن جاريالادى.
«تۇساۋكەسەر! اقان ساتايەۆتىڭ «ۇلى دالا تاڭى» اتتى جاڭا ءفيلمىنىڭ رەسمي پوستەرى. ەلىمىزدىڭ تاريحىنداعى ەلەۋلى تۇلعالاردىڭ ءبىرى – قاسىم حان تۋرالى كولەمدى تۋىندى. اتى اڭىزعا اينالعان بيلەۋشى XV-XVI عاسىرلار توعىسىنداعى قازاق حالقىنىڭ ازاتتىق پەن تاۋەلسىزدىك ءۇشىن كۇرەسىنىڭ سيمۆولدارىنىڭ بىرىنە اينالدى. ءدال وسى ۋاقىت قاسىم حاننىڭ ارقاسىندا قازاقتىڭ مەملەكەتتىگى مەن ۇلى دالانىڭ وركەندەگەن كەزەڭى سانالادى»، – دەپ جازدى كومپانيا.
«قازاقفيلم» تاريحي تۋىندىنىڭ رەسمي ترەيلەرىن جاقىندا ۇسىناتىنىن حابارلادى. قاسىم حاننىڭ وبرازىن بەلگىلى اكتەر بەرىك ايتجانوۆ سومداعان.