كەڭەستىڭ وتىرىسىندا وسىنداي شەشىم قابىلداندى.
ەۋرازيالىق ەكونوميكالىق كوميسسيا كەڭەسىنىڭ كەزەكتەن تىس وتىرىسىندا 917 تاۋار تۇرىنە ارنالعان كەدەندىك اكەلۋ باجدارىن نولدەۋ تۋرالى شەشىم قابىلداندى، دەپ حابارلايدى Almaty-akshamy.kz.
مامانداردىڭ ايتۋىنشا، تىزبەگە ازىق-تۇلىك تاۋارلارى مەن ولاردى وندىرۋگە ارنالعان قۇراۋىشتار، ءبۋىپ-تۇيۋ ماتەريالدارى، حيميالىق ونىمدەر، كولىك قۇرالدارىن وندىرۋگە جانە جوندەۋگە ارنالعان قۇراۋىشتار كىردى.
«بۇدان باسقا، ەاەو ەلدەرىنىڭ اۆتووندىرۋشىلەرىن قولداۋ ماقساتىندا ەەك كەڭەسى ولارعا ەاەو تەحنيكالىق رەگلامەنتىنىڭ ءبىرىڭعاي تالاپتارىنان وزگەشە ۇلتتىق زاڭناما تالاپتارى بويىنشا اۆتوموبيلدەر شىعارۋعا 2023 جىلعى 1 اقپانعا دەيىن ۋاقىتشا نەگىزدە رۇقسات بەردى»، - دەلىنگەن ساۋدا جانە ينتەگراسيا مينيسترلىگىنىڭ باسپا ءسوز قىزمەتىنىڭ حابارلاماسىندا.
اتاپ ايتقاندا، ەلدەرگە كولىك قۇرالدارىنىڭ ەكولوگيالىق كلاسى (قازىرگى ۋاقىتتا تەك ك-5 ەكولوگيالىق كلاستى اۆتوموبيلدەردى شىعارۋ قاجەت)، ءپاسسيۆتى قاۋىپسىزدىك قۇرالدارىمەن (ESP)، جەدەل قىزمەتتەردى شاقىرۋ قۇرىلعىلارىمەن (گلوناسس)، ميكروچيپتەردى قولدانۋ مۇمكىن ەمەستىگى (جارتىلاي وتكىزگىشتەردىڭ بولماۋى)، رۋلدىك باسقارۋ قۇرالدارى، بەلسەندى قورعانىس بويىنشا تالاپتاردى قولدانۋ جونىندەگى شەشىمدەردى ءوز بەتىنشە قابىلداۋ ۇسىنىلدى.
وڭايلاتىلعان تالاپتار بويىنشا شىعارىلعان اۆتوموبيلدەر تەك ءوندىرۋشى ەلدىڭ اۋماعىندا عانا اينالىسقا تۇسە الادى. سونداي-اق باسقا مۇشە مەملەكەت تۇلعالارىنىڭ وسىنداي كولىك قۇرالدارىن، ونىڭ ىشىندە سەنىمحات بويىنشا پايدالانۋ، يەلەنۋ جانە ولارعا بيلىك ەتۋ قۇقىقتارىن ىسكە اسىرۋىنا جول بەرىلمەيدى. قازاقستاندىق تاراپتىڭ ۇسىنىسى بويىنشا ەاەو تەحرەگلامەنتىنىڭ ءبىرىڭعاي تالاپتارىنا سايكەس كەلمەيتىن اۆتوموبيلدەردىڭ شەكارانى كەسىپ وتپەۋىن باقىلاۋدى ولار وندىرىلگەن ەلگە جۇكتەلەدى.
ەەك كەڭەسىنىڭ وتىرىسى بارىسىندا ەاەو-نىڭ كەدەندىك اۋماعىنا اكەلىنەتىن تاۋارلاردىڭ شىعۋ تەگىن ايقىنداۋ قاعيدالارىن وڭايلاتۋ تۋرالى شەشىم قابىلداندى. اتاپ ايتقاندا، ءبىز تاۋارلاردىڭ شىعۋ تەگى تۋرالى پرەفەرەنسيالى ەمەس سەرتيفيكاتتاردىڭ كوشىرمەلەرىن پايدالانۋعا رۇقسات بەرۋ، سەرتيفيكاتتاردى رەسىمدەۋگە قويىلاتىن تالاپتاردى جەڭىلدەتۋ جانە ت.ب. تۋرالى ايتىپ وتىرمىز.
ەۋرازيالىق ەكونوميكالىق كوميسسيا كەڭەسىنىڭ كەلەسى كەزەكتى وتىرىسى 15 ساۋىردە وتەدى.