الداعى كۇندەرى قازاقستاننىڭ باسىم بولىگىندە جاڭبىر جاۋادى

رەسپۋبليكا بويىنشا جەلدىڭ كۇشەيۋى بولجانۋدا.

«قازگيدرومەت» ماماندارى 18-20 قازان كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.

«اتلانتيكالىق سيكلون جىراسىنىڭ ىقپالىمەن جانە اتموسفەرالىق فرونتتاردىڭ وتۋىمەن الداعى كۇندەرى رەسپۋبليكانىڭ باسىم بولىگىندە، ەلدىڭ وڭتۇستىك-شىعىسىنداعى تاۋلى اۋدانداردا جاڭبىر جاۋادى، تۇنگى ۋاقىتتا قازاقستاننىڭ سولتۇستىك جارتىسىندا جاۋىن-شاشىن جاڭبىر مەن قار تۇرىندە كۇتىلەدى. قازاقستان بويىنشا جەلدىڭ كۇشەيۋى بولجانۋدا، باتىستا، شىعىستا، ەلدىڭ وڭتۇستىك جانە وڭتۇستىك-شىعىسىنداعى تاۋلى اۋدانداردا تۇمان كۇتىلەدى»، - دەلىنگەن سينوپتيكتەردىڭ حابارلاماسىندا. 

رەسپۋبليكانىڭ باسىم بولىگىندە اۋا تەمپەراتۋراسى: باتىستا، سولتۇستىك-باتىستا تۇندە 3-8-گە دەيىن، كۇندىز 10-20-عا دەيىن؛ سولتۇستىكتە تۇندە 2-7-گە دەيىن، كۇندىز 7-12-گە دەيىن؛ ەلدىڭ ورتالىعىندا 3-8 جىلىعا دەيىن، كۇندىز 5-19 جىلىعا دەيىن جوعارىلاۋى بولجانادى؛ شىعىستا تۇندە 5 گرادۋس اياز – 5 گرادۋس جىلىدان 0-8 گرادۋس ايازعا دەيىن جوعارىلاۋى بولجانادى، كۇندىز نەگىزگى فون 5-13 گرادۋس جىلى؛
وڭتۇستىكتە تۇندە 2-7-گە دەيىن، كۇندىز 10-20-عا دەيىن؛ وڭتۇستىك-شىعىستا تۇندە 5 گرادۋس اياز - 5 گرادۋس جىلى، كۇندىز 5-15 گرادۋس جىلىعا دەيىن تومەندەيدى.