ءقازىر جاردەماقى 1 جاسقا دەيىنگى بالالارعا تولەنەدى.
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى «بالالى وتباسىلارعا بەرىلەتىن مەملەكەتتىك جاردەماقىلاردى تاعايىنداۋ جانە تولەۋ قاعيدالارىن بەكىتۋ تۋرالى» اتتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ بۇيرىعىنا وزگەرىستەر مەن تولىقتىرۋلار ەنگىزدى، دەپ حابارلايدى Almaty-akshamy.kz
بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى تاعايىندالاتىن جانە تولەنەتىن اي سايىنعى مەملەكەتتىك جاردەماقى تولەۋ كوزدەلگەن.
قازىرگى ۋاقىتتا بالا كۇتىمى بويىنشا جاردەماقى 1 جاسقا دەيىنگى بالالارعا تولەنەدى.
بالا كۇتىمى بويىنشا جاردەماقى بالا تۋعان كۇننەن باستاپ ءبىر جاسقا تولعان كۇنگە دەيىن، ال بالانى (بالالاردى) اسىراپ العان جانە اتا-اناسىنىڭ قامقورلىعىنسىز قالعان ءبىر جارىم جاسقا دەيىنگى بالاعا قامقورشىلىق تاعايىندالعان جاعدايلاردا - بالانى (بالالاردى) اسىراپ الۋ تۋرالى سوت شەشىمى زاڭدى كۇشىنە ەنگەن كۇننەن باستاپ نەمەسە قورعانشى تاعايىندالعان كۇننەن باستاپ بالا ءبىر جارىم جاسقا تولعان كۇندى قوسا العان كۇنگە دەيىن تاعايىندالادى؛
بالا كۇتىمى بويىنشا جاردەماقىنى تاعايىنداعان كەزدە وتباسى قۇرامىندا ءتىرى تۋعان، اسىراپ الىنعان، سونداي-اق قامقورشىلىققا (قورعانشىلىققا) الىنعان بالالار، ەگەر باسقا اتا-انانىڭ وتباسىندا ەسكەرىلمەسە، وگەي بالالار دا ەسكەرىلەدى؛
بۇل رەتتە، وتباسى قۇرامىندا وزدەرىنە قاتىستى اتا-انالارى اتا-انا قۇقىقتارىنان ايىرىلعان نەمەسە اتا-انا قۇقىقتارى شەكتەلگەن بالالار ەسكەرىلمەيدى؛
ەگەر ءبىر جارىم جاسقا تولماعان بالا قايتىس بولعاننان كەيىن كۇتىم جونىندەگى جاردەماقىنى تاعايىنداۋعا جۇگىنگەن جاعدايدا كۇتىم جونىندەگى جاردەماقى قايتىس بولۋ ايىن قوسا العاندا تاعايىندالادى؛
قانداستارعا بالا كۇتىمى بويىنشا جاردەماقى بالا تۋعان كۇننەن باستاپ، ءبىراق قانداس مارتەبەسى بەلگىلەنگەن كۇننەن كەيىن تاعايىندالادى؛
جاردەماقى تاعايىنداۋ جونىندەگى ۋاكىلەتتى ورگان «مەملەكەتتىك كورسەتىلەتىن قىزمەتتەر تۋرالى» قازاقستان رەسپۋبليكاسى زاڭىنىڭ 5-بابى 2-تارماعىنىڭ 11) تارماقشاسىنا سايكەس اقپاراتتاندىرۋ سالاسىنداعى ۋاكىلەتتى ورگان بەلگىلەگەن تارتىپپەن مەملەكەتتىك قىزمەت كورسەتۋدى مونيتورنگتەۋ اقپاراتتىق جۇيەسىنە مەملەكەتتىك قىزمەت كورسەتۋ كەزەڭى تۋرالى دەرەكتەر ەنگىزۋدى قامتاماسىز ەتەدى؛
بالا ءبىر جارىم جاسقا تولعانعا دەيىن ونىڭ كۇتىمى بويىنشا جاردەماقى الۋشى قايتىس بولعان (سوت حابارسىز كەتكەن نەمەسە قايتىس بولدى دەپ جاريالاعان)، اتا-انا قۇقىعىنان ايىرىلعان نەمەسە ودان شەكتەلگەن، باس بوستاندىعىنان ايىرۋ ورىندارىندا جازاسىن وتەپ جاتقان جاعدايلاردا، زاڭنىڭ 4-بابى 1-تارماعىنىڭ 2) تارماقشاسىنا سايكەس مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارى بولىپ تابىلاتىن ادامداردى قوسپاعاندا، بالا ءبىر جارىم جاسقا تولعانعا دەيىن وعان كۇتىمدى جۇزەگە اسىراتىن ادامعا جاردەماقى تولەۋ جاردەماقى تاعايىنداۋ جونىندەگى ۋاكىلەتتى ورگان بەكىتكەن شەشىم نەگىزىندە جۇرگىزىلەدى؛
توقتاتىلا تۇرعان (توقتاتىلعان) تولەمدەردى قالپىنا كەلتىرۋ كەزىندە ءوتىنىش بەرۋشى قايتا ۇسىنعان، تولەمدى قالپىنا كەلتىرۋ ءۇشىن قاجەتتى قۇجاتتارمەن تولىقتىرىلعان ەلەكتروندىق شەشىم جوباسى بار ەلەكتروندىق ءىس ماكەتىن مەملەكەتتىك كورپوراسيا بولىمشەسىنىڭ دايىنداۋى جانە ونى جاردەماقى تاعايىنداۋ جونىندەگى ۋاكىلەتتى ورگاننىڭ بەكىتۋى توقتاتىلا تۇرعان نە قالپىنا كەلتىرۋگە قۇقىق باستالعان كۇننەن باستاپ، ءبىراق زاڭنىڭ 4-بابى 1-تارماعى 3) جانە 4) تارماقشالارىندا كورسەتىلگەن نەگىزدەر بويىنشا جۇگىنەر الدىنداعى ءۇش جىلدان اسىرماي، زاڭنىڭ 4-بابىنىڭ 1-تارماعى 2) تارماقشاسىندا كورسەتىلگەن نەگىزدەر بويىنشا بالا ءبىر جارىم جاسقا تولعان كۇننەن كەشىكتىرمەي، وسى قاعيدالارعا 17، 18، 19 جانە 21-قوسىمشالارعا سايكەس نىساندار بويىنشا جۇرگىزىلەدى.