الماتىدا زاڭسىز جۇرگەن شەتەلدىكتەر ەلدەن شىعارىلدى

شەتەلدىك ازاماتتار شەكارا قىزمەتىنە تاپسىرىلدى.

الماتىدا زاڭسىز جۇرگەن شەتەلدىكتەر ەلدەن شىعارىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

الماتى قالاسىنىڭ كوشى-قون قىزمەتى ارنايى جەرگىلىكتى ءىس-شارا اياسىندا وزبەكستان رەسپۋبليكاسىنىڭ 18 ازاماتىن جانە تاجىكستاننىڭ 2 ازاماتىن وتانىنا قايتارعانىن حابارلادى.

«بۇل شەتەلدىكتەر كوشى-قون زاڭناماسىن بۇزعانى ءۇشىن الماتى قالاسى سوتىنىڭ قاۋلىسىمەن قازاقستان رەسپۋبليكاسىنان شىعارىلدى. تاسىمالداۋ وزبەكستان شەكاراسىنا دەيىن ارنايى اۆتوبۋسپەن جۇزەگە اسىرىلدى. شەتەلدىك ازاماتتار شەكارا قىزمەتىنە تاپسىرىلدى. جالپى، ءىس-شارانىڭ 4 كۇنىندە كوشى-قون زاڭناماسىن بۇزعان 820 ادام اكىمشىلىك جاۋاپكەرشىلىككە تارتىلدى، ونىڭ 385ء-ى شەتەلدىك»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.

پد بولىمشەسىنىڭ مالىمەتى بويىنشا، «نەلەگال» ءجاى-نىڭ 4 كۇنىنىڭ ىشىندە ەلدەن 38 شەتەلدىك شىعارىلدى. سونىمەن قاتار، شەتەلدىكتەردىڭ ق ر بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ءۇشىن 413 قابىلداۋشى تاراپ اكىمشىلىك جاۋاپكەرشىلىككە تارتىلدى. قازاقستان رەسپۋبليكاسىنا شەتەلدىك جۇمىس كۇشىن تارتۋ ەرەجەلەرىن بۇزعان 22 جۇمىس بەرۋشىگە ايىپپۇل سالىندى.