بۇگىنگى كۇنى جالپى سوماسى 428،8 ملن تەڭگەنى قۇرايتىن اتاۋلى الەۋمەتتىك كومەكتى 1578 وتباسى الادى، 7،1 ملن تەڭگە كولەمىندەگى تۇرعىن ءۇي كومەگىن 279 وتباسى الدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى الاتاۋ اۋدانى اكىمىنىڭ ورىنباسارى ەرتىس بەسىروۆ ايتتى، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
«2021-2025 جج. ارنالعان كاسىپكەرلىكتى دامىتۋ ۇلتتىق جوباسى اياسىندا 8010 ادام جۇمىسقا ورنالاستىرىلدى، ونىڭ ىشىندە الەۋمەتتىك جۇمىس ورىندارىنا 196 ادام، قوعامدىق جۇمىس ورىندارىنا 1835 ادام، جاستار پراكتيكاسىنا 159 ادام، 400 اەك كولەمىندە گرانتتار 7 ادامعا جانە تۇراقتى جۇمىس ورىندارى 1056 ادامعا بەرىلدى»، - دەپ اتاپ ءوتتى ە. بەسىروۆ.
2022 جىلدىڭ باسىنان «TAU - شاڭىراق» قورىنىڭ قولداۋىمەن 1000-نان استام الەۋمەتتىك وسال وتباسىلار، «Unicef» قورى تاراپىنان 55 وتباسى ازىق-تۇلىك جيىنتىعىمەن، 50 وتباسى ءتۇرلى كيىم-كەشەك تۇرلەرىمەن قامتاماسىز ەتىلدى.
اۋداندا از قامتىلعان جانە كوپ بالالى وتباسىلاردى قولداۋ ءۇشىن «باقىتتى وتباسى»، «شىڭعا ورلەۋ» جانە «بەلسەندى ۇزاق ءومىر» الەۋمەتتىك ورتالىقتارى جانە «الاتاۋ انالارى»، «انالارعا كومەك» جانە «زەيىن» قوعامدىق قورلارى جۇمىس ىستەيدى.
«اتالعان ورتالىقتار انالارعا، بالالارعا، زەينەتكەرلەرگە كونسۋلتاتيۆتى جانە رەسۋرستىق قولداۋ كورسەتەدى، بازالىق ترەنينگتەر وتكىزەدى، جۇمىسقا ورنالاسۋعا قولداۋ كورسەتەدى. سونىمەن قاتار، ايەلدەرگە تىگىن ءىسى، كوسمەتولوگيالىق قىزمەتتەر، كومپيۋتەرلىك ساۋاتتىلىق جانە تاعى باسقالار وقىتىلادى، ال از قامتىلعان وتباسىلاردان شىققان بالالارعا مۋزىكا مەن ونەر، بي جانە ءتۇرلى اسپاپتاردا ويناۋ ۇيرەتىلەدى»، - دەپ حابارلادى ە. بەسىروۆ.
سونىمەن قاتار، الماتى قالاسى قۇرىلىس باسقارماسىنىڭ تاپسىرىسى بويىنشا "توميريس" شاعىناۋدانىندا بەلگىلى ءبىر تۇرعىلىقتى جەرى جوق ادامدارعا ارنالعان الەۋمەتتىك كومەك پۋنكتىنىڭ قۇرىلىسى جۇرگىزىلۋدە.